Žychar Łahojska znajšoŭ dalary ŭ fotaalbomie babuli i zarabiŭ kryminalnuju spravu
Žychar Łahojska źviarnuŭsia ŭ adzin z bankaŭ horada, kab abmianiać dalary. Jon prynios dźvie kupiury — na 50 i 100 dalaraŭ.
U supracoŭnika banka paŭstali sumnievy ŭ sapraŭdnaści valuty, i bank paviedamiŭ pra heta ŭ milicyju. Ekśpiertyza paćvierdziła padazreńni — abiedźvie kupiury byli niesapraŭdnymi. Akazałasia, što «piaćdziasiat» — heta piaciorka.
Sapraŭdny hrašovy bilet naminałam 5 dalaraŭ byŭ štučna madyfikavany: pa-nad ličbaj «5» nakleili kavałački papiery ź likam «50», nadrukavanym na zvyčajnym pryntary. Druhaja kupiura — «sotnia» — była padrobkaj. Jana była vyrablena nie na aficyjnym pradpryjemstvie, a mietadam elektrafatahrafičnaha druku. Usie achoŭnyja elemienty — imitacyja.
Pa słovach samoha mužčyny, jon znajšoŭ kupiury ŭ starym fotaalbomie, jaki naležaŭ jaho pamierłaj babuli i znachodziŭsia ŭ vioscy. Što jany nie sapraŭdnyja, mužčyna nie padazravaŭ.
U dačynieńni da biełarusa raspačataja kryminalnaja sprava.
Aryštavany dyrektar Pałaca Respubliki, adzin z arhanizataraŭ Marafona adzinstva9
Kamientary