1941. Z Ryhi na Pskoŭščynu, dzie nie zastałosia chramaŭ, adpraŭlajucca śviatary-misijaniery. Adzin ź ich — ajciec Alaksandr. Adnaŭlać carkoŭnaje žyćcio jon budzie — pad akupacyjaj, kali fašysty stralajuć žančynaŭ, lutuje palicyja, a ŭ lasach dziejničajuć partyzany.
PopRasieja, 2010, kalarovy, 130 chv.
Režysior: Uładzimir Chacinienka
Roli vykonvajuć: Siarhiej Makaviecki, Nina Usatava, Kirył Platnioŭ, Hienadź Harbuk, Liza Arzamasava, Hanna Huralenka, Rusłan Jahudzin,
Žanr: Drama pavodle ramanu Alaksandra Siehienia
Adznaka: 5,5 (z 10)
Žnivień 1941 hoda. Z Ryhi na Pskoŭščynu, dzie nie zastałosia chramaŭ, adpraŭlajucca śviatary-misijaniery. Adzin ź ich — ajciec Alaksandr. Adnaŭlać carkoŭnaje žyćcio jon budzie — pad akupacyjaj, kali fašysty stralajuć žančynaŭ, lutuje palicyja, a ŭ lasach dziejničajuć partyzany.
Pskoŭskaja pravasłaŭnaja misija — adna z małaviadomych staronak historyi. Pratatypam ajca Alaksandra pasłužyŭ archimandryt Iaan; film zdymaŭsia pa dabrasłavieńni patryjarcha Aleksija II.
Karcina Chacinienki — taktoŭnaja dydaktyčnaja drama. Režysior pakazvaje baraćbu za dušy ludzkija ŭ pabytovych umovach vajny, dzie słova — zbroja, a spoviedź — pieramoha. Hieroj Siarhieja Makavieckaha — zvyčajny viaskovy baciuška, jaki razumieje, što ŭ lubym vypadku misija budzie albo vyrazanaja, albo sasłanaja. Ale jon z pakoraj robić svaju spravu.
Adpuścić hrachi čałavieku, jaki źbirajecca jaho zabić, admovicca adpiavać zaciatych hrešnikaŭ (i pa sumiaščalnictvie palicajaŭ) — heta ŭłada śviatara. I pakaz hetaj ułady ŭžo vyklikaŭ razdražnieńnie: film abvinavacili va «ŭłasaŭstvie» i «prynižeńni vialikaj Pieramohi».
Ale niedachopy karciny nie ŭ hetym. Film zanadta jalejny, i, kali nie ličyć chrosnaha chodu pad brech aŭčarak, amal bieskanfliktny. Siarhiej Makaviecki i Nina Usatava hrajuć pabytova-dydaktyčnyja typažy. Zamiłavanaść i sientymientalnaść, śvietłyja kadry, mudryja vočy.
Ale na Vialikdzień — vielmi padychodnaja stužka.
Ciapier čytajuć
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka8
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka
«Vyzvalali niemcaŭ ad fašyzmu, a sami zastavalisia ŭ tym ža dziarmie». Apublikavana treciaja častka ŭspaminaŭ Ryhora Biarozkina pra savieckija represii3434
Kamientary