Jak pastupić u Jeŭrapiejski humanitarny ŭniviersitet u 2025 hodzie? Raskazvajem

Navučańnie ŭ EHU adbyvajecca pa madeli liberal arts — heta miždyscyplinarny humanitarny padychod, jaki raźvivaje krytyčnaje myśleńnie, a taksama zdolnaść vykazvać i abaraniać ułasnuju pazicyju, kreatyŭnaść i adaptyŭnaść da źmienaŭ. Madel daje studentam nie tolki prafiesijnyja viedy, ale i padrychtoŭku da aktyŭnaha hramadskaha žyćcia. U takich univiersitetach vučać nie tolki pradmietu, ale i stratehičnamu myśleńniu. 

Sioleta Jeŭrapiejski humanitarny ŭniviersitet prapanuje šyroki vybar prahram bakałaŭryjatu:

• infarmatyka, dzie rychtujuć kadry dla mižnarodnych IT-kampanij pa kirunku Computer Science,
• prava, dzie rychtujuć vysokakvalifikavanych jurystaŭ,
• historyja, dzie spałučajucca hłybokija tearetyčnyja viedy z praktyčnymi i daśledčymi navykami, u tym liku vyvučeńnie Digital History, štučnaha intelektu i vialikich danych,
• biznes-ekanomika, dzie rychtujuć zapatrabavanych śpiecyjalistaŭ u śfierach ekanomiki, finansaŭ i ličbavych technałohij,
• vizualny dyzajn, dzie rychtujuć ilustrataraŭ, mastakoŭ-animataraŭ, veb-dyzajnieraŭ i art-dyrektaraŭ,
• jeŭrapiejskaja spadčyna i kreatyŭny turyzm, dzie rychtujuć tvorčych śpiecyjalistaŭ, aryjentavanych na pošuk inavacyjnych rašeńniaŭ,
• palityka i mižnarodnyja adnosiny, dzie rychtujuć palitołahaŭ, ekanamistaŭ i prafiesijnych analitykaŭ (studentaŭ čakajuć dva dypłomy adrazu, bo navučańnie ažyćciaŭlajecca sumiesna z Univiersitetam Vitaŭta Vialikaha, što mieścicca ŭ Koŭnie),
• mjedyja i kamunikacyja dla prafiesijnych žurnalistaŭ, krytykaŭ, pradziusaraŭ i miedyjamieniedžaraŭ,
• teatralnaje mastactva i akciorskaja hulnia (prahrama stvoranaja ŭ supracy ź Vilenskim starym teatram).

Pastupleńnie bieź vizy i pajezdak u Vilniu

Padača dakumientaŭ užo adkryta. Uvieś praces prachodzić dystancyjna, tamu viza na momant padačy nie treba. Dastatkova žadańnia vučycca.

Darečy, padavać ankietu mahčyma navat biez atestata. Usie dakumienty možna adpravić paźniej, kali jany buduć na rukach. Toj, chto padaść dakumienty raniej, — pieršym trapić na sumoŭje.

Zručna, što dla abituryjentaŭ ź Biełarusi u EHU nie patrebny apastyli na dakumienty ab adukacyi — dastatkova tolki zahruzić skany.

Zdavać ispyty spatrebicca tolki na dźvie ź dzieviaci prahram: dyzajn i teatralnaje mastactva. Zapis na ispyty ŭžo taksama adkryty.

U EHU nahadvajuć: čym raniej buduć adpraŭlenyja dakumienty, tym chutčej jany zmohuć dać adkaz. Tamu nie varta adkładać usio na apošni dzień.

Paśla zaličeńnia možna pačynać padrychtoŭku dakumientaŭ dla vyjezdu za miažu. Univiersitet dapamahaje spačatku atrymać vizu, a paśla — vid na žycharstva ŭ Litvie, jaki daje prava nie tolki vučycca, ale i pry patrebie padpracoŭvać (da 20 hadzin na tydzień).

EHU prapanuje taksama zavočnuju, dystancyjnuju formu navučańnia. Heta dazvalaje studentam zastavacca ŭ Biełarusi, pracavać i vučycca anłajn. Taki student moža taksama atrymać vizu, kab pry patrebie naviedvać VNU.

Jak atrymać źnižku na navučańnie

Pavialičyć

Studenty EHU mohuć pretendavać na hrant navat u tym vypadku, kali jašče nie paśpieli prajavić siabie ŭ navučańni. Padtrymka dastupnaja ŭžo ź pieršaha kursa — rašeńnie prymajecca na padstavie školnych dasiahnieńniaŭ: alimpijad, daśledavańniaŭ i inšych zasłuh.

U vypadku stanoŭčaha rašeńnia studenty mohuć atrymać hrant, jaki pakryvaje 100% koštu navučańnia ŭ siamiestry. Pavodle infarmacyi samoha EHU, davoli značnaja častka studentaŭ ź Biełarusi rehularna atrymlivaje takuju padtrymku.

Akramia taho, aktyŭnyja studenty mohuć raźličvać na stypiendyju ŭ pracesie navučańnia.

Płatnaje navučańnie dla hramadzian Biełarusi kaštuje na 20—25% tańniej, čym dla inšych zamiežnych studentaŭ.

Admietnaści navučańnia ŭ EHU

Biełaruskaja i ruskaja movy

Na pieršych dvuch kursach asnoŭnyja movy navučańnia — biełaruskaja i ruskaja. Pastupova kolkaść zaniatkaŭ na anhlijskaj movie pavialičvajecca, i na vychadzie studenty atrymlivajuć nie tolki jeŭrapiejski dypłom, ale i dobry ŭzrovień vałodańnia anhlijskaj movaj.

Na niekatorych prahramach — naprykład, pa historyi — biełaruskaja mova zastajecca asnoŭnaj na praciahu ŭsiaho navučańnia.

Histaryčny budynak

Jeŭrapiejski humanitarny ŭniviersitet mieścicca ŭ budynku byłoha Aŭhuścinskaha klaštara kanca XVIII st. u adnym z najbolš malaŭničych i prestyžnych rajonaŭ Vilni — u Starym horadzie, uklučanym u śpis Suśvietnaj spadčyny JUNIESKA.

Jeŭrapiejskaja budučynia

Vypuskniki atrymlivajuć dypłom jeŭrapiejskaha ŭzoru, jaki pryznajecca va ŭsim śviecie. Paśla zakančeńnia navučańnia vypuskniki atrymlivajuć vid na žycharstva jašče na hod, kab mieć mahčymaść znajści pracu ŭ Litvie.

Zapisacca na kansultacyju i bolš padrabiazna vyvučyć mahčymaści navučańnia ŭ EHU možna na sajcie ŭniviersiteta, a taksama źviazaŭšysia z pradstaŭnikami ŭstanovy pa telefonie +370-644-96-317 (Viber, Telegram, WhatsApp).

• 4
• 0
• 0
• 2
• 0
• 1
• 0
• 1