Valancin pakazaŭ, jak vyhladajuć padjezd i kvatera (jašče, na ščaście, biez čystavoha azdableńnia) u «Zialonaj havani» paśla subotniaha daždžu. Jak raspaviadaje mužčyna, na videa — niadaŭna zdadzieny dom pa vuł. Łavandavaj, 7, piša Onliner.by.
U kvatery pa ścienach ciakła vada, u budučym žyłym pakoi na padłozie ŭtvaryłasia šyrokaja łužyna.
U padjeździe i tambury vidać padcioki nad liftam, razvody pa ścienach, na padłozie taksama šmat vady.
— Źviartalisia da zabudoŭščyka abo ŭ absłuhoŭvajučuju arhanizacyju?
— Źviartalisia: kažuć, što ramantujuć, potym dakładvajuć, maŭlaŭ, usio vypraŭlena, ale pry nastupnym daždžy ŭsio pačynajecca znoŭ, — skardzicca Valancin.
Mužčyna adznačaje: takaja ž prablema ŭžo na praciahu paŭhoda pieraśleduje dom pa adrasie vuł. Siarebrany les, 7.
Voś što raspaviali Onlíner u kampanii «A-100»:
— Jak tolki my daviedalisia pra prablemu, na miesca vyjechała bryhada dla abśledavańnia dachu i pošuku miesca pratočvańnia. My vyśvietlili: cełasnaść dachu ŭ domie №4.2 (heta numar sicichausa, havorka idzie pra budynak pa vuł. Siarebrany les, 7) nie była parušana — situacyja ŭźnikła z-za žaluzi na vientylacyjnaj šachcie. My źmienim kanstrukcyju łamielaŭ, kab takija situacyi nie paŭtaralisia. Taksama my vykanajem usie nieabchodnyja ramontnyja raboty ŭ najkaraciejšyja terminy.
Što datyčycca situacyi ŭ domie 4.6 (vuł. Łavandavaja, 7), pytańnie źviazana z zasoram liŭnievaj kanalizacyi, tamu, na žal, i adbyłosia zalivańnie. My prykładajem usie namahańni, kab likvidavać nastupstvy. Na dadzieny momant arhanizavany dadatkovy kantrol jakaści, kab padobnaje nie paŭtarałasia. My cenim davier žycharoŭ i adkrytyja da dyjałohu.
Ciapier čytajuć
Novy Niurnbierh. Jeŭropa stvaraje Śpiectrybunał pa vajnie va Ukrainie — ci zmohuć asudzić Łukašenku?7
Kamientary