Mierc i lidary ES vystavili Pucinu svaje ŭmovy, adnak ekśpierty sumniavajucca ŭ ich sile
Kancler Hiermanii pravioŭ sieryju sustreč i videakanfierencyju z udziełam lidaraŭ pałovy krain ES, prezidenta Ukrainy i Donalda Trampa. Hałoŭnaj temaj stała mahčymaja ździełka pamiž Vašynhtonam i Maskvoj pa spynieńni vajny va Ukrainie, piša Bild.
Jeŭrapiejskija lidary ŭ sumiesnaj zajavie padkreślili, što «pry lubych pieramovach pa Ukrainie za stałom pavinny siadzieć sami ŭkraincy». Jany taksama padkreślili, što nie dapuściać jurydyčnaha pryznańnia rasijskaj akupacyi i buduć damahacca dla Kijeva nadziejnych harantyj biaśpieki.
Ekśpiert pa biaśpiecy Pitar Nojman z łondanskaha King's College ličyć patrabavańni razumnymi, ale ŭ razmovie z Bild papiaredžvaje, što Pucin moža nie pahadzicca na ich. Pavodle słoŭ Nojmana, Tramp, kab jak maha chutčej zaklučyć mirnaje pahadnieńnie, moža pajści na sastupki Pucinu.
Palitołah Nika Łanhie skieptyčna aceńvaje mahčymaści jeŭrapiejskich lidaraŭ upłyvać na pazicyju Rasii.
«Ad Jeŭropy nie prahučała, što jana hatovaja zrabić, kali pieramirje nie budzie dasiahnuta, i jak jano budzie zabiaśpiečana. Cisk na Pucina siońnia nie staŭ macniejšym», — adznačaje jon.
Pavodle słoŭ Nojmana, piać klučavych punktaŭ Mierca faktyčna zvodziacca da tak zvanaha «karejskaha varyjantu»: zamarozka kanfliktu, zachavańnie kantralavanaj Ukrainaj terytoryi z kursam na Zachad i admova ad viartańnia rehijonaŭ, zachoplenych Rasijaj. Sam Mierc, kažučy pra majučy adbycca samit na Alascy, adznačyŭ tolki «nadzieju na mir va Ukrainie».
Pryjarytet — spynieńnie ahniu. Zialenski i jeŭrapiejskija lidary parazmaŭlali z Trampam
Tramp choča prapanavać Pucinu za spynieńnie vajny redkaziamielnyja minierały
Tramp pahražaje Pucinu «surjoznymi nastupstvami», kali toj admovicca spynić vajnu paśla samitu na Alascy
U rasijskim MZS patłumačyli, ź jakoj pazicyjaj Pucin pajedzie na Alasku
Aryštavany dyrektar Pałaca Respubliki, adzin z arhanizataraŭ Marafona adzinstva9
Kamientary