Мерц і лідары ЕС выставілі Пуціну свае ўмовы, аднак эксперты сумняваюцца ў іх сіле
Канцлер Германіі правёў серыю сустрэч і відэаканферэнцыю з удзелам лідараў паловы краін ЕС, прэзідэнта Украіны і Дональда Трампа. Галоўнай тэмай стала магчымая здзелка паміж Вашынгтонам і Масквой па спыненні вайны ва Украіне, піша Bild.
Еўрапейскія лідары ў сумеснай заяве падкрэслілі, што «пры любых перамовах па Украіне за сталом павінны сядзець самі ўкраінцы». Яны таксама падкрэслілі, што не дапусцяць юрыдычнага прызнання расійскай акупацыі і будуць дамагацца для Кіева надзейных гарантый бяспекі.
Эксперт па бяспецы Пітар Нойман з лонданскага King’s College лічыць патрабаванні разумнымі, але ў размове з Bild папярэджвае, што Пуцін можа не пагадзіцца на іх. Паводле слоў Ноймана, Трамп, каб як мага хутчэй заключыць мірнае пагадненне, можа пайсці на саступкі Пуціну.
Палітолаг Ніка Ланге скептычна ацэньвае магчымасці еўрапейскіх лідараў уплываць на пазіцыю Расіі.
«Ад Еўропы не прагучала, што яна гатовая зрабіць, калі перамір’е не будзе дасягнута, і як яно будзе забяспечана. Ціск на Пуціна сёння не стаў мацнейшым», — адзначае ён.
Паводле слоў Ноймана, пяць ключавых пунктаў Мерца фактычна зводзяцца да так званага «карэйскага варыянту»: замарозка канфлікту, захаванне кантраляванай Украінай тэрыторыі з курсам на Захад і адмова ад вяртання рэгіёнаў, захопленых Расіяй. Сам Мерц, кажучы пра маючы адбыцца саміт на Алясцы, адзначыў толькі «надзею на мір ва Украіне».
Прыярытэт — спыненне агню. Зяленскі і еўрапейскія лідары паразмаўлялі з Трампам
Трамп хоча прапанаваць Пуціну за спыненне вайны рэдказямельныя мінералы
Трамп пагражае Пуціну «сур'ёзнымі наступствамі», калі той адмовіцца спыніць вайну пасля саміту на Алясцы
У расійскім МЗС патлумачылі, з якой пазіцыяй Пуцін паедзе на Аляску
Каментары