Kampanija «BiełDžy» 23 traŭnia ŭpieršyniu aficyjna pakazała elektramabil Geely EX-5, jaki sioleta pačali źbirać u Biełarusi.
Prezientacyja prajšła ŭ novym aŭtasałonie «Točka». Hety aŭtacentr staŭ čarhovym dyleram marak Geely i Belgee, paviedamlaje Office Life.
Na datu prezientacyi ŭ aŭtasałony krainy pastupiła 169 elektrakaraŭ.
Pa słovach hienieralnaha dyrektara «BiełDžy» Hienadzia Śvidzierskaha, z naroščvańniem abjomaŭ vypusku nichto śpiašacca nie budzie. Pa-pieršaje, treba vyvučyć popyt na navinku ŭ Biełarusi. A pa-druhoje, kab prodažy biełaruskaha elektrakara pajšli i na rasijski rynak, treba harmanizavać patrabavańni da elektramabilaŭ u dźviuch krainach.
Technična Geely EX-5 — kampaktny krasovier daŭžynioj kala 4,6 mietra. Batareja na 60,2 kVt⋅h dazvalaje prajechać biez padzaradki da 430 km. Mašyna całkam siertyfikavana ŭ Biełarusi, vytvorca daje na jaje praciahłuju harantyju — 6 hadoŭ.
Ciapier u prodažy dźvie kamplektacyi pa canie ad 73,9 tysiačy da 79,9 tysiačy rubloŭ.
U bolš darahim varyjancie dadatkova da bazavych opcyj praduhledžany: aŭtamatyčnaje viečka bahažnika, panaramny dach, masaž i vientylacyja piarednich siadzieńniaŭ, bolš darahaja huma i niekatoryja elektronnyja pamočniki.
Što tyčycca novaha aŭtacentra, to jaho ŭładalnikam źjaŭlajecca Kampanija «RK Paŭer Motars». Heta novy hulec na biełaruskim aŭtarynku. Dyrektaram «Točki» staŭ Dźmitryj Ihnatovič — u minułym top-mieniedžar adnaho z aŭtacentraŭ «Atłant-M».
Adnosna pierśpiektyŭ vytvorčaści elektramabilaŭ Hienadź Śvidzierski skazaŭ, što heta budzie zaležać u asnoŭnym ad mahčymaści pastavak u Rasiju. Tearetyčna ŭ hetuju krainu «BiełDžy» hatovaja pradavać kala tysiačy Geely EX-5. Što tyčycca biełaruskaha rynku, to abjomy prodažaŭ na im buduć zaležać ad taho, zachavajuć ilhoty na ŭvoz impartnych elektramabilaŭ u Biełarusi ci nie.
Darečy, sioleta na «BiełDžy» pačnuć zborku hibrydaŭ. Ciapier hety aŭtamabil prachodzić vyprabavańni, i da kanca hoda jaho ŭžo płanujuć vyvieści na rynak.
Paraŭnali ceny na aŭtamabili biełaruskaj i rasijskaj vytvorčaści ŭ Biełarusi i Rasii. Roźnica vas ździvić
Dyrektar zavoda «BiełDžy» raskazaŭ, kolki aŭto jany pradajuć u Rasiju
«BiełDžy» ŭ nastupnym hodzie pačnie vypuskać mietanavyja aŭtamabili
Pieršyja aŭtacentry biełaruskaha brenda Belgee adkrylisia ŭ Minsku
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam3030
Kamientary
[Zredahavana]
Pravilno: - kitajskaja mašina sobrannaja v Biełarusi po licienzii.