U stalicy adkryli dva aŭtacentry.
U Minsku adkrylisia pieršyja aŭtacentry biełaruskaha brenda Belgee piša BiełTA.
Sałony raźmieščany pa vuł. Majakoŭskaha, 2, i vuł. Arłoŭskaj, 88. Hienieralny dyrektar SZAT «Biełdžy» Hienadź Śvidzierski adznačyŭ, što siońniašniaja padzieja — važny etap u raźvićci ajčynnaha aŭtamabilebudavańnia.
«Z 2018 hoda asvojvalisia roznyja madeli, ź jakimi my vychodzili na rynak. Zaraz u našaj krainie ŭžo ekspłuatujecca kala 70 tys. aŭtamabilaŭ. A kali pahladzieć, kolki ŭsiaho zrabiŭ zavod, — heta amal 300 tys. Adnym z važnych kampanientaŭ byŭ pierachod na ajčynnuju marku, jakoj dali start u minułym hodzie. Pastupova pavialičvajem abjomy, pavyšajem reputacyju brenda Belgae», — raspavioŭ Hienadź Śvidzierski.
Pieršymi madelami, jakija prapanujuć u aŭtacentrach, stanuć krasoviery Ch50 i Ch70. «Hetyja madeli ŭžo nie źjaŭlajucca ekzotykaj. Ich možna sustreć praktyčna ŭsiudy ŭ našaj krainie i ŭ Rasijskaj Fiederacyi. Da kanca hoda jašče źjavicca siedan S50, — dadaŭ Hienadź Śvidzierski. — Pryniata rašeńnie adkryć asobnyja sałony Belgee, bo, kali hladzieć statystyku hetaha hoda, u nas u pracentnych adnosinach na ajčynnuju marku prychodzicca kala 80% ahulnaha abjomu prodažaŭ. Prykładna 20% — na marku Geely. Pry hetym isnuje takaja «załataja dvojka» ŭ tym sensie, što Belgee — heta ŭžo i paćvierdžany servis, historyja i najlepšaja ŭ krainie finansavaja prahrama».
Hienieralny dyrektar abviaściŭ pra dalejšaje adkryćcio aŭtacentraŭ pa ŭsioj Biełarusi. Što tyčycca centra pa vuł. Majakoŭskaha ŭ stalicy, to pobač znachodzicca aŭtacentr Geely. Pakupniki zmohuć ubačyć jak aprabavanyja rašeńni, tak i navinki kampanii Geely — partniora biełaruskaha vytvorcy.
-
Minskaja błohierka zmahajecca za toje, kab «Jandeks» zvolniŭ žančynu-kiroŭcu biznes-taksi. Taja ŭ adkaz padała zajavu ŭ milicyju
-
Rasijanin, jaki pieramoh u «Faktar.baj», sprabuje chucieńka pradać svoj pryz ad BT — usiedarožnik Belgee
-
Impart aŭto pryvatnikami raście, a ŭ dyleraŭ — padzieńnie prodažaŭ. Tamu dylery chočuć, kab było, jak u Rasii
Kamientary