Łukašenka nie pryjechaŭ na śviatkavańnie Dnia dziaržaŭnaj simvoliki — zamiest siabie adpraviŭ Turčyna
Vidać, pieraloty pamiž Minskam i Maskvoj na 9 maja zdaroŭja Łukašenku nie dadali.
Alaksandr Łukašenka nie ŭziaŭ udzieł u śviatkavańni Dnia dziaržaŭnych simvałaŭ na płoščy Dziaržściaha. Zamiest jaho pierad biudžetnikami, siłavikami i členami BRSM vystupiŭ premjer-ministr Alaksandr Turčyn. Jon pavinšavaŭ prysutnych ad svajho imia, a taksama ahučyŭ zvarot načalnika.
Sioleta arhanizatary padrychtavali šeście z samym vialikim čyrvona-zialonym ściaham daŭžynioj 500 mietraŭ. Dziela hetaha pierakryli praśpiekt Pieramožcaŭ.
Letaś Łukašenka ŭdzielničaŭ u cyrymonii, a voś u 2023 hodzie na śviacie jaho nie było. Tady jon adčuŭ siabie vielmi drenna padčas paradu 9 maja ŭ Maskvie: nie zdoleŭ prajści niekalki socień mietraŭ razam ź inšymi kiraŭnikami dziaržaŭ. Uviečary taho ž dnia ŭpieršyniu za čas svajho kiravańnia jon nie zmoh pračytać pramovu na ŭskładańni kvietak na płoščy Pieramohi — zamiest jaho heta zrabiŭ ministr abarony Viktar Chrenin. Tady ž kartež Łukašenki dźvie hadziny znachodziŭsia ŭ śpiecyjalizavanaj balnicy ŭ Ždanovičach.
Sioleta, vidać, Łukašenka vyrašyŭ adpačyć ad napružanaha śviatočnaha hrafiku. Na 9 maja jon źlataŭ u Maskvu na parad, u toj ža dzień viarnuŭsia ŭ Minsk i naziraŭ za ŭłasnym paradam. Pry hetym apošni tydzień na publičnych mierapryjemstvach jon vyhladaje nie vielmi: ź ciažkaściu čytaje pramovy stojačy, drenna chodzić i ledź strymlivaje tremar hałavy.
Ciapier čytajuć
Na kupianskim kirunku zahinuŭ biełaruski dobraachvotnik Alaksiej «Ryžy» Aŭdziej13
Na kupianskim kirunku zahinuŭ biełaruski dobraachvotnik Alaksiej «Ryžy» Aŭdziej
Jak vypadkovaje znajomstva ŭ hiej-kłubie skončyłasia hučnym zabojstvam. Novyja detali pa spravie biełarusa, jaki 25 hadoŭ tamu zarezaŭ pradziusara ŭ Maskvie66
Kamientary