Alaksandr Łukašenka nie źjaviŭsia na ŭračystaściach Dnia ściaha, hierba i himna. Rej tam vioŭ premjer-ministr Raman Hałoŭčanka
Učora ŭviečary kartež Alaksandra Łukašenki dźvie hadziny znachodziŭsia ŭ prezidenckaj śpiecbalnicy ŭ Ždanovičach pad Minskam.
Zvarot Alaksandra Łukašenki «z nahody śviatkavańnia Dnia Dziaržaŭnaha ściaha, Dziaržaŭnaha hierba i Dziaržaŭnaha himna Respubliki Biełaruś» začytaŭ Raman Hałoŭčanka.
Źjaŭleńni Alaksandra Łukašenki na publicy ad pačatku maja redkija, a na paradzie ŭ Maskvie 9 maja jon nie zmoh prajści ź inšymi kiraŭnikami dziaržaŭ niekalki socień mietraŭ ad trybuny da Alaksandraŭskaha sadu, jaho vieźli asobna elektramabilem. Paśla hetaha ŭviečary jon pieršy raz za čas svajho kiravańnia nie zmoh pračytać pramovu na ŭskładańni kvietak na płoščy Pieramohi, za jaho heta zrabiŭ ministr abarony Viktar Chrenin.
Nie vyklučana, što da chraničnych prablem Łukašenki dałučyŭsia niejki virus.
Toje, što pramovu na ŭračystaści daručyli ahučyć Ramanu Hałoŭčanku, a nie Natalli Kačanavaj, Viktaru ci Mikałaju Łukašenkam — heta moža być indykatar, kamu pierajšoŭ by rej kiravańnia ŭ vypadku adychodu Alaksandra Łukašenki siońnia.
U kołach namienkłatury ličać, što ŭ Łukašenki virus, tamu što adnačasova ź im zachvareli jašče niekalki nabližanych
Siońnia łukašenkaŭcy adznačajuć «Dzień ściaha i hierba». Pad imi jany majuć na ŭvazie kałanijalnyja ściah i hierb, prydumanyja pry Stalinie. Hetyja simvały, zrešty, adlustroŭvajuć kałanijalnuju, zaležnuju ad Maskvy sutnaść ciapierašniaha režymu.
Sapraŭdnyja biełaruskija simvały — Pahonia i bieł-čyrvony-bieły ściah. «Pahoni» bolš za 700 hadoŭ. A BČB uźnik na jaje asnovie.
Ciapier čytajuć
Džon Koŭł pryjedzie ŭ Biełaruś 15 vieraśnia. Łukašenka, adnak papiaredziŭ: «vialikaj ździełki» nie budzie12
Kamientary