U kołach namienkłatury ličać, što ŭ Łukašenki virus, tamu što adnačasova ź im zachvareli jašče niekalki nabližanych
Hramadstva hadaje, što za zdaroŭjem Alaksandra Łukašenki, jaki nie zdoleŭ prajści niekalki socień mietraŭ u Maskvie, a taksama źviarnuŭ uvahu na svoj pakutny vyhlad i bint ad, imavierna, kropielnicy na ruce. Palityk nie źjaŭlajecca na publicy ŭžo niekalki dzion.
Jak stała viadoma «Našaj Nivie», va ŭmovach zasakrečanaści stanu zdaroŭja Łukašenki, u kołach jaho namienkłatury pašyrajecca viersija pra virus, jaki adoleŭ palityka razam ź jaho atačeńniem.
«Tam z najbližejšaha akružeńnia jašče niekalki čałaviek zachvareła i zvaliłasia z noh. Nakolki ja razumieju, heta niešta virusnaje», — skazaŭ «Našaj Nivie» surazmoŭca, blizki da słužby łukašenkaŭskaha pratakoła.
Na karyść hetaj viersii moža śviedčyć i toje, što, uručajučy ŭznaharody pradstaŭnikam represiŭnaha aparatu 5 maja, Łukašenka ŭžo byŭ asipły.
«Kali heta hryp, to mohuć być uskładnieńni, kali nie lačyć, jak maje być. Dumajem, tak», — dadaŭ surazmoŭca.
Prapahanda nijak nie kamientavała źniknieńnie Łukašenki i jaho chvaravity vyhlad. Pres-słužba Łukašenki, jakaja viadzie kanał «Puł pieršaha», apošnija dni publikuje abstraktnyja rečy, nie pakazvajučy svajho načalnika.
Ciapier čytajuć
Akademiju KDB budujuć prosta na Załatahorskich mohiłkach. Ź ziamli dastajuć pareštki minčukoŭ, jakich tut chavali sotni hadoŭ1
Kamientary