Pasažyry samalota ŭpali ŭ bałota z alihatarami i praviali tam dva dni. Jak jany vyžyli?
U džunhlach Amazonii ŭ Balivii paciarpieŭ krušeńnie nievialiki samalot. Piać čałaviek zachraśli na dva dni ŭ bałocie, jakoje kišeła alihatarami.
Na borcie samalota znachodzilisia piłot, try žančyny i dzicia. Avaryja zdaryłasia 30 krasavika, ale tolki 2 maja ludziej vyratavali, piša CNN.
Nichto z hrupy surjozna nie paciarpieŭ. Hetyja dni ŭ čakańni ratavalnikaŭ ludzi charčavalisia šakaładam i manijokavaj mukoj.
Samalot nakiroŭvaŭsia ŭ horad Trynidad, ale praz techničnyja niepaładki vymušany byŭ zrabić avaryjnuju pasadku. Ale nie dalacieŭ da palany i ŭpaŭ u bałota pobač z łohavam alihataraŭ.
Čamu ž alihatary nie napali? 27-hadovy piłot Pabła Andresa Viełarde ličyć, što pryčyna ŭ palivie, jakoje vyliłasia z samalota, zabrudziła vadu i svaim mocnym pacham adpudziła drapiežnikaŭ. Nakolki jaho tłumačeńnie navukova abhruntavana, składana skazać.
Ratavalniki nie adrazu znajšli ludziej z-za niespryjalnych umoŭ nadvorja. Pa paviedamleńniach miascovych ŚMI, niekalki samalotaŭ pralacieli nad vyžyłymi, ale nie zmahli ich ubačyć. Paciarpiełych znajšli rybaki.
Usie piaciora atrymali roznyja traŭmy, ale ničoha krytyčnaha. U balnicy pakinuli tolki 37-hadovuju žančynu, z-za taho što ŭ ranu na jaje hałavie trapiła infiekcyja.
Kamientary