Ksiandza z Šumilina Andžeja Juchnieviča asudzili na 13 hadoŭ źniavoleńnia
30 krasavika ŭ Šumilinie vyniesieny prysud ajcu Andžeju Juchnieviču, probašču miascovaha sanktuaryja Maci Božaj Facimskaj. Aficyjna pra heta pakul nie paviedamlajecca, ale vierniki daviedalisia, što śviatar asudžany da 13 hadoŭ źniavoleńnia, pry tym, što abvinavačvańnie nastojvała na terminie ŭ 15 hadoŭ, piša Katolik.news.
Sud prachodziŭ u zakrytym režymie, u čym kankretna abvinavacili śviatara, jakoha pieršapačatkova zatrymlivali pa «palityčnych» matyvach — nie viadoma. Z raskładu suda vynikała, što jamu inkryminavali try kryminalnyja artykuły, jakija tyčacca pałavych znosin ź niepaŭnaletnimi. Taksama było paviedamlena, što praces viała staršynia suda Šumilinskaha rajona Ina Hraboŭskaja.
Jak daviedalisia vierniki, śviatar całkam admaŭlaŭ abvinavačvańni i sprabavaŭ dakazać svaju nievinavataść.
Nakolki viadoma viernikam, abvinavačvańnie budavałasia na pakazańniach adnoj abo niekalkich «achviar» — nie vyklučana, što jany davali ich pad ciskam. Pa tych źviestkach, jakija dajšli da viernikaŭ, u spravie śviatara havorka idzie pra padziei prykładna 10-hadovaj daŭniny, tamu pabudavać abvinavačvańni mahli tolki na sumniŭnych pakazańniach.
Sam śviatar u sudzie trymaŭsia ŭ dobrym stanie duchu. Pry hetym u dyjacezii nikoli ni ad kaho nie atrymlivali skarhaŭ na ajca Andžeja. Jak adznačajuć vierniki, 13 — asablivaja ličba dla katolikaŭ, heta data abjaŭleńniaŭ Maci Božaj u Facimie, tamu asudžanaha śviatara asabliva daviarajuć apiecy Baharodzicy.
U adroźnieńnie ad prysudu ksiandzu Hienrychu Akałatoviču ŭ Minsku (jamu dali 11 hadoŭ), na jaki nie pryjšli ni biskupy, ni śviatary, na sud nad ajcom Andžejem kožny raz pryjazdžaŭ biskup Viciebski Aleh Butkievič. U pasiołku bačyli, jak padčas pasiadžeńniaŭ jon išoŭ u kaplicu i maliŭsia tam.
«Nikoli ni ad kaho nie atrymlivali skarhaŭ». Što viadoma pra situacyju śviatara, jakoha sudziać u Šumilinie
Tadevuš Kandrusievič i Uładzisłaŭ Zavalniuk naviedali parafiju źniavolenaha ksiandza Juchnieviča
Ksiandzu Andžeju Juchnieviču pahražajuć fejkavymi abvinavačańniami ŭ piedafilii
Ksiondz Andžej Juchnievič: Mianie mohuć za heta sudzić, ale ja chaču publična vykazać salidarnaść z bratami-ŭkraincami
«Znachodzicca ŭ źniasilenym stanie». Vierniki daviedalisia padrabiaznaści pra źniavolenaha ksiandza Andžeja Juchnieviča
Ciapier čytajuć
«Kab kupić dom, pracavała na narkazavodzie». Paśla 2020-ha biełaruska ź piaćciu dziećmi pierajechała ŭ Kanadu7
«Kab kupić dom, pracavała na narkazavodzie». Paśla 2020-ha biełaruska ź piaćciu dziećmi pierajechała ŭ Kanadu
«Adpraŭlali myć tualety i kidali ŭ ŠIZA». Susiedki raskazali pra abychodžańnie ŭ kałonii z eks-palitźniavolenaj Tamaraj Karavaj, jakaja paśla pamierła44
Kamientary