U Kurskaj vobłaści rasijski vajskoviec rasstralaŭ miascovuju siamju: maci zahinuła, baćka ŭ komie
U siale Hirji rasijski vajskoviec z ahniastrelnaj zbrojaj napaŭ na siamju: zabita žančyna, jaje muž paranieny ŭ hałavu, dźvie dački cudam zastalisia žyvymi.
Trahiedyja adbyłasia ŭnačy 30 krasavika ŭ Biełaŭskim rajonie Kurskaj vobłaści. Kala poŭnačy rasijski vajskoviec uvarvaŭsia ŭ dom siamji Łarynych, patrabavaŭ «pradjavić dakumienty», a zatym adkryŭ ahoń, piša ASTRA.
41-hadovaja Alesia Łaryna zahinuła, jaje muž atrymaŭ streł u hałavu i ciapier u štučnaj komie. U domie taksama znachodzilisia dźvie dački — 10 i 6 hadoŭ, jany nie paciarpieli.
Starejšy syn zahinułaj Ilja paviedamiŭ žurnalistam ASTRA, što vajskoviec paśla stralaniny pasadziŭ dziaŭčynak u mašynu. Siabra siamji sprabavaŭ ich vyzvalić, ale napadnik i ŭ jaho stralaŭ. Pa słovach Ilji, vajskoŭcu zatrymali. Jon moh być pad narkotykami ci ŭ stanie mocnaha apjanieńnia.
«Jon uvarvaŭsia ŭ dom, adrazu pačaŭ stralać. Baćka sprabavaŭ advieści dziaŭčynak, tak jon u hałavu jamu stralaŭ. Ciapier baćka ŭ štučnaj komie. Siostry nie paciarpieli, mnie patelefanavali ŭ hadzinu nočy, ja byŭ u Kursku i pryjechaŭ adrazu. Siaścior ja ŭžo zabraŭ. U chacie kroŭ, prastralanaja dźviery, vokny. Voś takija ŭ nas vajskoŭcy», — skazaŭ ASTRA syn zabitaj.
Miascovyja žychary ŭ čacie skardziacca, što vajskoŭcy časta ahresiŭna siabie pavodziać i znachodziacca ŭ hramadskich miescach u pjanym stanie. «Jany buchajuć, što nie ŭ siabie, kolki sustrakaŭ takich», piša adzin z karystalnikaŭ.
«Mianie našy vajskoŭcy napružvajuć bolš, čym abstreły», — dadaje jašče adzin miascovy žychar.
Ciapier čytajuć
Pamiatajecie byłoha pamiežnika, jaki staŭ dalnabojščykam i ŭ Hiermanii pryznavaŭsia ŭ lubovi da Łukašenki? Ź im biada17
Kamientary