У Курскай вобласці расійскі вайсковец расстраляў мясцовую сям’ю: маці загінула, бацька ў коме
У сяле Гір’і расійскі вайсковец з агнястрэльнай зброяй напаў на сям’ю: забіта жанчына, яе муж паранены ў галаву, дзве дачкі цудам засталіся жывымі.
Трагедыя адбылася ўначы 30 красавіка ў Белаўскім раёне Курскай вобласці. Каля поўначы расійскі вайсковец уварваўся ў дом сям’і Ларыных, патрабаваў «прад’явіць дакументы», а затым адкрыў агонь, піша ASTRA.
41-гадовая Алеся Ларына загінула, яе муж атрымаў стрэл у галаву і цяпер у штучнай коме. У доме таксама знаходзіліся дзве дачкі — 10 і 6 гадоў, яны не пацярпелі.
Старэйшы сын загінулай Ілья паведаміў журналістам ASTRA, што вайсковец пасля страляніны пасадзіў дзяўчынак у машыну. Сябра сям’і спрабаваў іх вызваліць, але нападнік і ў яго страляў. Па словах Ільі, вайскоўцу затрымалі. Ён мог быць пад наркотыкамі ці ў стане моцнага ап’янення.
«Ён уварваўся ў дом, адразу пачаў страляць. Бацька спрабаваў адвесці дзяўчынак, так ён у галаву яму страляў. Цяпер бацька ў штучнай коме. Сёстры не пацярпелі, мне патэлефанавалі ў гадзіну ночы, я быў у Курску і прыехаў адразу. Сясцёр я ўжо забраў. У хаце кроў, прастраляная дзверы, вокны. Вось такія ў нас вайскоўцы», — сказаў ASTRA сын забітай.
Мясцовыя жыхары ў чаце скардзяцца, што вайскоўцы часта агрэсіўна сябе паводзяць і знаходзяцца ў грамадскіх месцах у п'яным стане. «Яны бухаюць, што не ў сябе, колькі сустракаў такіх», піша адзін з карыстальнікаў.
«Мяне нашы вайскоўцы напружваюць больш, чым абстрэлы», — дадае яшчэ адзін мясцовы жыхар.
Цяпер чытаюць
Легендарная журналістка Любоў Лунёва расказала пра Віктара Лукашэнку і аднакурснікаў, стварэнне «Вясны» і палітычны бамонд18
Каментары