Мадзьяр анансаваў увядзенне абмежаванняў на тэрміны займання пасады прэм'ера Венгрыі
Петэр Мадзьяр заявіў, што новыя ўлады Венгрыі хочуць памяняць Канстытуцыю і ўвесці абмежаванне: адзін чалавек зможа быць прэм’ер-міністрам не больш за два тэрміны, гэта значыць восем гадоў, паведамляе The Moscow Times.
Па словах Петэра Мадзьяра, гэтая норма патрэбная для ўмацавання дэмакратыі, і выключэнняў не будзе ні для каго. З улікам таго, што Віктар Орбан ужо кіраваў краінай каля 20 гадоў, ён больш не зможа заняць гэтую пасаду.
Мадзьяр таксама сказаў, што для сур’ёзных змен неабходна пазбавіцца ад людзей, звязаных са старой сістэмай, у тым ліку заклікаў прэзідэнта Тамаша Шуяка пайсці ў адстаўку. Ён падкрэсліў, што гэтага хочуць грамадзяне.
Будучы прэм’ер паабяцаў змагацца з карупцыяй і далучыць Венгрыю да Еўрапейскай пракуратуры, што блакавалася папярэдняй уладай. Гэта, на яго думку, дапаможа аднавіць доступ да фінансавай дапамогі ЕС, у тым ліку да дзясяткаў мільярдаў еўра, якія былі замарожаныя з-за адмовы ранейшых уладаў праводзіць неабходныя рэформы.
Акрамя таго, гэта можа прывесці да расследаванняў таго, як у апошнія гады выкарыстоўваліся еўрапейскія сродкі. Апазіцыя сцвярджае, што значная частка гэтых грошай дасталася кампаніям, звязаным з блізкімі да Орбана людзьмі. Паведамляецца, што яго дачка і зяць, якія валодаюць буйным бізнэсам, ужо выехалі з краіны ў Нью-Ёрк.
Партыя Петэра Мадзьяра «Ціса» на выбарах 12 красавіка здабыла пераважную большасць месцаў у парламенце і цяпер можа памяняць Канстытуцыю. Партыя Віктара Орбана «Фідэс» прайграла выбары і ён гэта прызнаў, хоць заявіў, што ўвогуле не збіраецца здавацца.
Петэр Мадзьяр заявіў, што параіў бы Пуціну завяршыць вайну
«Я Віктар Орбан, і я хачу вас павіншаваць». Мадзьяр расказаў пра сваю размову з Орбанам
Мадзьяр: Сіярта паехаў у МЗС знішчаць важныя дакументы
Відэа з пераможным танцам у Будапешце сабрала за ноч больш за мільён праглядаў
Хто такі Петэр Мадзьяр, які перамог Віктара Орбана
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра3232
Каментары