U Hrodnie piensijanier pasprabavaŭ zaminiravać aŭto susieda. Mužčynu vyratavaŭ sabaka
Piensijanier vyrašyŭ spalić aŭto susieda i sabraŭ samarobnuju zapalnuju bombu.
U Hrodnie piensijanier pasprabavaŭ zaminiravać aŭtamabil susieda, ź jakim u jaho zdaryŭsia kanflikt.
Mužčyny nie padzialili majomaść. Heta vielmi zasmuciła piensijaniera, i jon rašyŭsia na radykalnyja miery. Hrodzieniec padkinuŭ pad mašynu susieda samarobnuju zapalnuju bombu.
Haspadara aŭto vyratavaŭ jaho sabaka, jaki, pačuŭšy čužynca, pačaŭ brechać. Pačuŭšy pach bienzina i vyjaviŭšy dziŭnuju skrynku pad nižniaj častkaj mašyny, paciarpieły vyklikaŭ milicyju.
Siłaviki chutka zatrymali piensijaniera. Prystasavańnie jon sabraŭ z butelki z haručym rečyvam i inšych elemientaŭ. Ekśpierty pryjšli da vysnovy, što samarobka ŭjaŭlaje niebiaśpieku. Sapiory abiasškodzili «bombu» na miescy.
Kamientary