Abanient: Zajšoŭ u internet u roŭminhu na paru chvilin — na bałansie minus 10 000 rubloŭ!

«Hety taryf pazicyjanujecca jak pasłuha, što daje bieźlimitny internet u peŭnych sietkach-partniorach za miažoj biez dadatkovych śpisaŭ, akramia koštu samoj pasłuhi. Bolš za toje, ŭ apisańni havorycca, što hetaja pasłuha — «Bieź niepradbačanych vydatkaŭ» i što ŭ vypadku padklučeńnia da sietki, jakaja nie źjaŭlajecca partniorskaj, internet aŭtamatyčna błakujecca», — kaža abanient.

Pavialičyć

I praciahvaje: «Akramia taho, u raździele «Važna viedać» paznačana, što pasłuha nie dziejničaje ŭ Hankonhu, Makaa, Tajvani i Paleścinie — i ŭ hetych vypadkach dziejničaje bazavaja taryfikacyja internetu (Dubaj nie zhadvajecca)».

Što mienavita adbyłosia?

Małady čałaviek adkazvaje: niadaŭna (8 sakavika) u jaho byŭ tranzitny rejs u Dubai. «Mnie treba było ŭsiaho tolki zajści ŭ sietku na niekalki chvilin, kab zakazać kvietki dziaŭčynie. Jak ža ja ździviŭsia, kali paśla viartańnia pabačyŭ bałans — minus 10 000 rubloŭ!» — śćviardžaje čytač, prykładajučy skrynšot z mabilnaha dadatku.

Pavodle jaho słoŭ, padčas vizitu ŭ ofis MTS jamu adkazali, što «Unlim za miažoj» u Dubai nie pracuje, i, adpaviedna, dziejničajuć standartnyja (vielmi vysokija) taryfy.

Abanient robić akcent: «Na aficyjnym sajcie MTS paznačana: kali padklučaješsia da sietki, jakaja nie źjaŭlajecca partnioram, to dostup u internet błakujecca. Nijakaha błakavańnia nie adbyłosia. Taksama ŭ SMS-paviedamleńni, jakoje ja atrymaŭ pa pryjeździe ŭ Dubaj, nie było nijakaj infarmacyi i/ci papiaredžańnia».

Razam z tym małady čałaviek nie admaŭlaje, što moh nie da kanca aznajomicca z umovami pasłuhi «Unlim za miažoj», — zhodna ź infarmacyjaj na sajcie MTS, AAE nie ŭvachodzić u śpis krain, u jakich jana akazvajecca.

U razmovie z čytačom taksama vyśvietliłasia: paśla jon napisaŭ zajavu ŭ MTS z prośbaj pierahledzieć sumu, i ŭ vyniku, pavodle jaho słoŭ, apłaciŭ [pierahledžany] doŭh u pamiery 1500 rubloŭ.

«Ja vopytny padarožnik, jaki šmat razoŭ čytaŭ pra padobnyja situacyi ŭ inšych ludziej, padklučyŭ usie nieabchodnyja nałady — i ŭsio adno apynuŭsia ŭ daŭhach», — padsumavaŭ surazmoŭca.

Jašče dva vypadki z «minusami» ad 3,4 da 6,6 tysiačy rubloŭ

U redakcyju napisali jašče dva abanienty — na hety raz apieratara A1 — z davoli bujnymi «minusami» na rachunku.

Pieršy vypadak adbyŭsia z čytačom, jaki, pavodle jaho apoviedu, u studzieni sioleta nakiroŭvaŭsia ŭ Indyju, padklučyŭšy pasłuhu «Roŭminh Top 1 HB» na terytoryi Rasii. Ale pa prylocie ŭ krainu pryznačeńnia (Indyju) jamu «pryjšło paviedamleńnie, što zapazyčanaść składaje 3451 rubiel».

Pavialičyć

Važna: abanient «častkova pryznaje svaju vinu, što pavinien byŭ lepš vyvučyć pytańnie pra roŭminh» — Indyja, zychodziačy ź infarmacyi na aficyjnym sajcie A1, nie ŭvachodzić u śpis krain, u jakich dziejničaje pasłuha.

Razam z tym paźniej abanient, pavodle jaho słoŭ, źviarnuŭsia ŭ kampaniju z prośbaj pierahledzieć «doŭh», paśla čaho «supracoŭnik kampanii A1 prapanavaŭ apłacić 10%, a astatniaje — u rasterminoŭku na dzieviać miesiacaŭ». Adnak čytač śćviardžaje, što źjaŭlajecca šmatdzietnym baćkam, jaki vychoŭvaje dzicia-invalida, i ŭ dadzieny momant nie maje mahčymaści apłačvać sumu.

Druhi vypadak adbyŭsia z čytačom, «jaki palacieŭ u Tajłand na zimoŭku». Abanient, jaki pradstaviŭsia spartsmienam-błohieram, kaža, što «pa prylocie skarystaŭsia roŭminham dla navihatara i Telegram biez padklučeńnia taryfaŭ». «Da kanca dnia vypadkova zaŭvažyŭ, što ŭtvaryŭsia doŭh u 3000 rubloŭ, paśla čaho adrazu adklučyŭ internet. Pa pryjeździe na viłu vyjaviŭ, što kožnyja paŭhadziny suma doŭhu raście na 500—700 rubloŭ, i takim čynam naličyłasia 6600 rubloŭ zapazyčanaści», — zaklučaje abanient.

U razmovie mužčyna taksama dadaŭ: «Uklučyŭ internet-roŭminh pa prylocie na miesca, biez zahadzia aktyvavanaj pasłuhi». (Havorka pra roŭminh-pakiet internet-trafiku.) Abanient hetaha nie admaŭlaje, ale śćviardžaje: na nastupny dzień paśla zvarotu ŭ padtrymku jamu «prapanavali źnizić sumu da 1300 rubloŭ, na što jon i zhadziŭsia».

• 0
• 1
• 6
• 13
• 0
• 0
• 5
• 0