Maci Anžaliki Mielnikavaj: «Unukam kažu, što jana ŭ kamandziroŭcy»
Z 28 sakavika, kali stała viadoma pra źniknieńnie śpikierki Kaardynacyjnaj rady Anžaliki Mielnikavaj, prajšło 10 dzion, a los jaje tak i nie prajaśniajecca. Jak vyśvietliła «Jeŭraradyjo», navat baćki Mielnikavaj nie viedajuć, dzie jana.
Pad vyhladam byłoj kalehi Anžaliki «Jeŭraradyjo» datelefanavalisia da maci źnikłaj śpikierki Kaardynacyjnaj rady. Z hołasu zrazumieła, što žančyna padaŭlenaja.
Maci Mielnikavaj paćviardžaje, što ŭnučki ŭ jaje, ale dzie sama Anžalika — nie viedaje.
«Dzieciam kažu, što ŭ kamandziroŭcy i ŭsio», — raskazvaje Aksana Mikałajeŭna.
Jana dadaje, što były muž Mielnikavaj Andrej ničoha joj nie kaža.
«Moža, chvalavać nie choča ci što. Nie viedaju. Heta moj były ziać, razumiejecie?»
Pavodle słoŭ baćki Anžaliki, apošni raz jany razmaŭlali ŭ lutym — jon vinšavaŭ dačku z dniom narodzinaŭ. Dzie Anžalika ciapier, Artur Mikałajevič nie viedaje.
«Heta naohuł zahadka», — kaža mužčyna.
U jaho pacikavilisia, jaki ŭ Anžaliki byŭ nastroj.
— Narmalny byŭ nastroj. A na 8 sakavika datelefanavacca nie moh, tak vinšavańnie adpraviŭ.
— Jana vam nie adkazvała?
— Pa-mojmu adkazvała, nie pamiataju. Ja moh ścierci paviedamleńnie.
Łatuška: Anžaliki Mielnikavaj niama ni ŭ Polščy, ni chutčej za ŭsio ŭ Biełarusi
«Dzieci sa mnoj». Žurnalisty dazvanilisia da byłoha muža Anžaliki Mielnikavaj i spytali, dzie moža być śpikierka KR
Labiedźka: Cudu nie budzie — Mielnikava ŭ rukach biełaruskaha režymu
Zajavu ab źniknieńni Anžaliki Mielnikavaj padali ŭ palicyju Vialikabrytanii
Biełpoł: U Mielnikavaj byli dva palityčnyja pratakoły, jana jość u bazie «Biesparadki»
Pracoŭnuju hrupu KR pa situacyi sa źniknieńniem Anžaliki Mielnikavaj uznačaliŭ były rabotnik ofisa Vaskrasienskaha
Kamientary
— Jana vam nie adkazvała?
— Pa-mojmu adkazvała, nie pamiataju. Ja moh ścierci paviedamleńnie.»
- pachniet tryndiežom
[Zredahavana]
2. Pa słovach byłoha muža, dzieci ź im u Biełarusi
3. Pa słovach maci, dzieci ź joj u Biełarusi
Zastajucca nastupnyja pytańni:
1. Jak dzieci mahli patrapić u Biełaruś?
2. Jak čałaviek z baćkami ŭ Biełarusi moža publična zaniać kirujučuju pasadu ŭ apazicyjnych strukturach?