Biełpoł: U Mielnikavaj byli dva palityčnyja pratakoły, jana jość u bazie «Biesparadki»
U vydańni Deutsche Welle źjaviłasia infarmacyja sa spasyłkami na pravaabaroncaŭ «Viasny», što ŭ bazie administracyjnaha pieraśledu nibyta niama infarmacyi pra zatrymańni abo sudy nad Anžalikaj Mielnikavaj u 2020 hodzie, pra jakija jana raskazvała raniej. «Naša Niva» ŭdakładniła hetaje pytańnie ŭ arhanizacyi «Biełpoł».
Pavodle śviedčanńnia byłych siłavikoŭ, u Anžaliki Mielnikavaj byli dva pratakoły pa «narodnym» artykule 23.34, jaje proźvišča prysutničaje ŭ bazie «Biesparadki», i na jaje jość kartka vyšuku.
Heta adpaviadaje śviedčańniam samoj Mielnikavaj, jakaja ŭ minułahodnim intervju «Našaj Nivie» śćviardžała, što jaje dva razy štrafavali pa administracyjnych spravach (adpravić na sutki nie mahli, bo małyja dzieci).
Pieršaja administratyŭka była za vialiki marš 16 žniŭnia ŭ Minsku.
Kali paśla jaho natchnionaja Anžalika viarnułasia ŭ Niaśviž, to zaklikała haradžan na nastupny marš pajechać u stalicu razam i prapanoŭvała zavieźci achvotnych na svaim aŭto. Pa darozie na nastupny niadzielny marš jaje i zatrymali.
«Z aŭtamatam spynili mašynu, pravodzili da miascovaha RAUS. I tam spytali: «Vy razumiejecie, što nie było dazvołu Minharvykankama, kab ładzić taki marš?» Pamiataju svoj adkaz: «Ja razumieju, što parušyła vaš zakon, ź jakim ja nie zhodnaja, i kali b mnie daviałosia jašče raz pryniać rašeńnie, ja b jašče raz pajechała na hety marš». Mianie papiaredzili, kab bolš nidzie nie ŭdzielničała».
Druhaja administratyŭka była za viełaprabieh sa ściahami ŭ niaśvižskim parku — rolik ź jaho haradžanki vykłali ŭ telehram.
Da jakoj adčuvalnaj infarmacyi mieła dostup źnikłaja Anžalika Mielnikava?
Mabilny Anžaliki Mielnikavaj z 19 sakavika znachodzicca na terytoryi Biełarusi
Polskaja palicyja pakul nie zmahła vyznačyć, dzie znachodzicca Mielnikava
Stanisłava Hlińnik raskazała pra viersii źniknieńnia Anžaliki Mielnikavaj i hrošy Kaardynacyjnaj rady
Anžalika Mielnikava była adkaznaja za hranty dla «Kibierpartyzanaŭ»
Ciapier čytajuć
28-hadovaja biełaruska kuplaje ŭžo piatuju kvateru dla zdačy ŭ arendu — pryčym u roznych haradach i krainach1
28-hadovaja biełaruska kuplaje ŭžo piatuju kvateru dla zdačy ŭ arendu — pryčym u roznych haradach i krainach
«Jon kazaŭ, što zołata z saboj nie zabiareš, lepiej zrabić niešta dla inšych». Dačka biznesmiena Kalina raskazała, jak razam z bratam čakaje jaho z kałonii
Kamientary