«Dzieci sa mnoj». Žurnalisty dazvanilisia da byłoha muža Anžaliki Mielnikavaj i spytali, dzie moža być śpikierka KR
Na minułym tydni źjaviłasia infarmacyja, što byłoha muža Anžaliki Mielnikavaj u kampanii dźviuch dačok bačyli ŭ Biełarusi. «Lusterku» ŭdałosia krychu pahavaryć z mužčynam — u pieršuju čarhu pra toje, ci viadoma jamu, dzie ciapier Anžalika.
Žurnalisty dazvanilisia da eks-muža Anžaliki Mielnikavaj Andreja ranicaj 7 krasavika.
— Navošta vy mianie turbujecie, ja nie razumieju? — spytaŭ mužčyna.
— Vy viedajecie, dzie Anžalika?
— Nie, viadoma. My ž raźviedzieny. Čamu vy, darečy, mnie ŭsie telefanujecie, kaleh z pracy pastajanna dastajecie?
— Dzieci z vami?
— Tak, sa mnoj (u Anžaliki i Andreja dźvie dački, 7 i 13 hadoŭ).
— I vy ŭ Biełarusi?
— Tak.
— Daŭno?
— Vy što, z palicyi?
— Nie, ale źnik čałaviek.
— Tak, źnik. Čakajem, kali źjavicca.
— Kali vy apošni raz razmaŭlali z Anžalikaj?
— Daŭno ŭžo. Naturalna, taksama chvalujusia, kudy jana źnikła.
— U vas jość zdahadki, dzie jana moža być?
— Uvohule niama. Biez paniaćcia. Ja b paprasiŭ vas bolš nie telefanavać, nie lublu razmoŭ z presaj. Da pabačeńnia.
Pavodle źviestak «Biełpoł», Andrej Mielnikaŭ — prahramist, doŭhi čas pracavaŭ u JERAM, a apošniaje jaho miesca pracy — staršy inžynier u TAA «Hodeł Teknałodžys Jurop». Vydańnie Deutsche Welle paviedamlała, što z 2021 hoda jon pracavaŭ u varšaŭskim ofisie kampanii.
Pra źniknieńnie śpikierki Kaardynacyjnaj rady Anžaliki Mielnikavaj jaje kalehi paviedamili ŭviečary 28 sakavika. U zajavie Paŭła Łatuški havaryłasia, što suviaź adsutničaje z 25 sakavika, adnak havorka idzie pra anłajn-kamunikacyju. Nasamreč Mielnikavu ŭžyvuju nie bačyli ŭžo daŭnym-daŭno. Paźniej stała viadoma, što Anžalika Mielnikava pakinuła terytoryju Jeŭrasajuza 26 lutaha, a jaje były muž źjechaŭ z Polščy ŭ Biełaruś 3 sakavika.
Ciapier čytajuć
Na aŭtašou ŭ Lidzie ledź nie zahinuŭ adzin z samych znakamitych kaskadzioraŭ Biełarusi — jaho videa sabrali amal paŭmiljarda prahladaŭ. Što ź im ciapier?88
Kamientary
koniečno ponimaju