Z nadychodam viasny ŭ Minsku stali masava kraści rovary i samakaty
U Pieršamajskaje i Maskoŭskaje RUUS stalicy źviarnulisia čaćviora minčukoŭ, u jakich ukrali majomaści na ahulnuju sumu 1 400 rubloŭ, paviedamlaje minskaja milicyja.
Adzin z paciarpiełych pakinuŭ svoj rovar kala dreva, a kali viarnuŭsia, nie znajšoŭ na raniejšym miescy.
Druhi minčuk raskazaŭ, što paśla nočy nie znajšoŭ na pryšpilenym rovary kołaŭ i niekatorych detalaŭ. Milicyjaniery pa padazreńni ŭ kradziažy zatrymali 47-hadovaha minčuka, jaki nidzie nie pracuje.
Ustanoŭlena, što mužčyna nočču zaŭvažyŭ rovar, jaki z dapamohaj zamkovaj pryłady byŭ pryšpileny da parenčaŭ. Złamyśnik źniaŭ ź jaho koły i niekalki detalaŭ z dvuchkołavaha transpartu i zanios dadomu. Tam ich u jaho i znajšli. U toj ža kvatery milicyjaniery znajšli i rovar inšaha zajaŭnika, jaki złodziej płanavaŭ pradać na zapčastki.
Jašče adzin žychar Pieršamajskaha rajona paviedamiŭ pra kradziež samakata ŭnuka z padjezda žyłoha doma. Jaho prysvoiŭ 59-hadovy minčuk, jaki išoŭ u hości da znajomaj i zaŭvažyŭ bieznahladny samakat. Mužčyna zabraŭ jaho i płanavaŭ pradać, ale nie paśpieŭ.
Rovar paciarpiełaha, jaki žyvie ŭ Maskoŭskim rajonie, spadabaŭsia 64-hadovamu mienčuku. Pakul mužčyna byŭ na padpracoŭcy, pakinuŭšy rovar niepryšpilenym na prypynku, złodziej pakaciŭ jaho da siabie dadomu. Vykradzienaja majomaść kanfiskavanaja i budzie viernutaja ŭładalnikam.
Pa ŭsich epizodach zaviali kryminalnyja spravy za kradziažy.
Ciapier čytajuć
Pamierła 39-hadovaja eks-palitźniavolenaja Hanna Kandracienka. U kałonii ŭ jaje znajšli rak, ale nie vyzvalili30
Kamientary