Zialenski: Pucin faktyčna rychtuje admovu ad pieramirja, prapanavanaha ZŠA i Ukrainaj
Prezident Ukrainy Uładzimir Zialenski u svaim tradycyjnym viačernim zvarocie prakamientavaŭ vystup Uładzimira Pucina na pres-kanfierencyi z Alaksandram Łukašenkam.
«My ŭsie pačuli z Rasii vielmi pradkazalnyja, vielmi manipulatyŭnyja słovy [Uładzimira] Pucina ŭ adkaz na ideju cišyni na froncie — na hety momant jon faktyčna rychtuje admovu.
Pucin, viadoma, baicca skazać adkryta prezidentu Trampu, što choča praciahvać hetuju vajnu, choča zabivać ukraincaŭ. Tamu jany tam, u Maskvie, abstaŭlajuć ideju cišyni takimi pieradumovami, kab naohuł ničoha nie atrymałasia ci kab nie atrymlivałasia jak maha daŭžej», — śćviardžaje ŭkrainski prezident.
Sa słoŭ Uładzimira Zialenskaha, Ukraina «hatovaja pracavać maksimalna chutka, maksimalna kanstruktyŭna».
«My nie stavim umoŭ, jakija niešta ŭskładniajuć. Heta Rasija robić. Jak my zaŭsiody i kazali, adziny, chto budzie ŭsio zaciahvać, adziny, chto budzie niekanstruktyŭny, — heta Rasija. Im treba vajna.
Pucin skraŭ hady miru i praciahvaje hetuju vajnu — dzień za dniom. Ciapier treba na jaho cisnuć. Treba ŭvodzić sankcyi, jakija dapamohuć. Budziem pracavać i dalej z našymi amierykanskimi partniorami, ź jeŭrapiejskimi partniorami, z usimi ŭ śviecie, chto choča miru, kab prymusić Rasiju da zaviaršeńnia vajny», — zajaviŭ Zialenski.
Zialenski raskazaŭ pra płan pa zakančeńni vajny i čyrvonyja linii dla Ukrainy
Tramp prakamientavaŭ zajavu Pucina ab spynieńni bajavych dziejańniaŭ i zhadaŭ pra Zaparožskuju AES
«Ich taktyka jość i budzie — chłusić i vinavacić». Va Ukrainie adreahavali na zajavu Pucina adnosna 30-dzionaha pieramirja
Pucin: My zhodnyja z prapanovami spynić bajavyja dziejańni, ale jość niuansy
Aryštavany dyrektar Pałaca Respubliki, adzin z arhanizataraŭ Marafona adzinstva9
Kamientary