U Polščy chočuć uvieści padatak dla bihtechaŭ, ale ZŠA heta nie padabajecca
Polšča nie źbirajecca admaŭlacca ad pracy nad padatkam dla vialikich ličbavych kampanij, niahledziačy na toje, što heta nie zadavalniaje ZŠA. Pra situacyju raspaviadaje devby.io.
11 sakavika vice-premjer i ministr cyfravizacyi krainy Kšyštaf Haŭkoŭski ŭ intervju Radio Zet zajaviŭ, što Polšča praciahvaje pracavać nad prajektam pa padatkach dla bihtechaŭ.
Heta adbyłosia paśla vykazvańnia ambasadara ZŠA ŭ Polščy Tomasa Roŭza ab tym, što dapłaty na bujnyja IT-kampanii jon ličyć «nie vielmi razumnym» i «samahubčym» rašeńniem. Roŭz dadaŭ, što jano naškodzić Polščy i jaje ŭzajemaadnosinam z ZŠA.
Jak piša devby, padatak, jaki rychtujecca, budzie nakiravany na dachody, jakija atrymlivajuć technahihanty ŭ Polščy, i na padtrymku miascovych kampanij. U hutarcy z žurnalistami Haŭkoŭski adznačyŭ, što jamu «nadakučyła», što trecija krainy sprabujuć umiašacca ŭ zakanatvorčy praces u Polščy.
«Ambasadaru varta viedać, što ŭ Polščy mienavita polskija ŭłady, a taksama ŭradavyja i parłamienckija instytuty prymajuć pastanovy ab tym, jak budzie vyhladać zakanadaŭčy praces. My ni ad čaho nie admovimsia i praciahniem pravodzić kansultatyŭnyja raboty, tamu što Polšča maje prava prymać rašeńni.
U Polščy jość takoje ž prava, jak i ŭ Francyi, Vialikabrytanii i Aŭstryi, jakija ŭžo ŭviali ličbavy padatak. Z čaho b Polščy nad hetym nie pracavać? Z čaho b nie abmiarkoŭvać mahčymaść taho, kab bujnyja karparacyi, jakija zarablajuć tut, płacili bolš padatkaŭ?» — cytuje ministra Polskie Radio.
Ministr finansaŭ i rehijanalnaj palityki Polščy Katažyna Piełčyńska-Nalenč u kamientary kanału TVP Info adznačyła, što ŭ cełym padtrymlivaje ideju padobnaha padatku, adnak tajminh abrany nie samy prydatny z ulikam ryzyki handlovaj vajny pamiž dźviuma krainami.
Amierykanski dziaržsakratar Marka Rubia na vychodnych abvinavaciŭ kiraŭnika polskaha MZS Radasłava Sikorskaha ŭ chłuśni i niaŭdziačnaści, a Iłan Mask adkryta nachamiŭ jamu ŭ sacsietkach.
U paniadziełak za svajho suajčyńnika zastupiŭsia premjer Donald Tusk, jaki zaklikaŭ zaakijanskich «siabroŭ» «prycišyć zapał». Novy polski padatak — jašče adna tema słaviesnaj vajny pamiž Varšavaj i Vašynhtonam, piša devby.
Hałyhina prymusili apraŭdvacca za zvarot da siłavikoŭ u 2020-m17
Hałyhina prymusili apraŭdvacca za zvarot da siłavikoŭ u 2020-m
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary