U Biełarusi padoŭžyli termin dziejańnia imiannych pryvatyzacyjnych čekaŭ «Majomaść» da 31 śniežnia 2030 hoda. Pra heta paviedamiŭ Dziaržaŭny kamitet pa majomaści.
Hetyja čeki vydavalisia ludziam padčas pryvatyzacyi ŭ 1994—1997 hadach. Imi karystalisia, kab atrymać ułasnaść na kvatery i damy. Ciapier ich možna ci zachavać da zakančeńnia terminu i atrymać kampiensacyju ad dziaržavy, ci abmianiać na akcyi dziaržaŭnych pradpryjemstvaŭ.
Abmianiać možna čeki, atrymanyja asabista, a taksama tyja, što byli atrymanyja ŭ spadčynu abo padoranyja blizkimi svajakami. Ale jość abmiežavańnie — nie bolš za 250 čekaŭ na čałavieka za ŭvieś pieryjad biaspłatnaj pryvatyzacyi. Da blizkich svajakoŭ adnosiacca baćki, dzieci, muž abo žonka, braty i siostry, unuki, babuli, dziaduli, a taksama cieść, ciešča, śviokar i śviakroŭ.
Pa źviestkach «Biełarusbanka», čeki možna abmianiać na akcyi kala 160 adkrytych akcyjaniernych tavarystvaŭ. Naprykład, heta Viciebski matoraramontny zavod, pradpryjemstva «Kamvol», «Vopytny zavod mietałakanstrukcyj» u Minsku, Pružanski lnozavod, «Homielbudmateryjały», Kamianiecki rajahraservis i inšyja.
Ciapier čytajuć
Stała viadoma pra aryšt papularnaj mastački Aksany Šalapinaj3
Stała viadoma pra aryšt papularnaj mastački Aksany Šalapinaj
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje88
Kamientary