Pavodle pratakoła, Valeryj Ziaziulin łajaŭsia matam na vulicy ŭ centry Maskvy.
Lefortaŭski rajonny sud Maskvy adpraviŭ u SIZA hramadzianina Biełarusi i dyrektara minskaj kampanii «Avijacyjnaja manufaktura» Valeryja Ziaziulina, piša «Miedyjazona».
Ziaziulina abvinavačvajuć u niezakonnym eksparcie ŭzbrajeńniaŭ z Rasii (častka 1 artykuła 189 KK RF). Poŭnaściu artykuł hučyć tak: «Niezakonny ekspart z Rasijskaj Fiederacyi abo pieradača zamiežnaj asobie ci jaje pradstaŭniku tavaraŭ abo technałohij, uzbrajeńniaŭ abo vajennaj techniki, niezakonnaje vykanańnie rabot dla zamiežnaj asoby abo jaje pradstaŭnika, albo niezakonnaje akazańnie pasłuh zamiežnaj asobie abo jaje pradstaŭniku, u dačynieńni da jakich zahadzia dla vinavataha ŭstalavany ekspartny kantrol». Pa im pahražaje da siami hadoŭ pazbaŭleńnia voli.
Inšyja padrabiaznaści spravy nieviadomyja.
29 maja Ziaziulina adpravili pad aryšt na 13 sutak pa artykule ab drobnym chulihanstvie (častka 1 artykuła 20.1 KaAP). Pavodle pratakoła, napiaredadni kala 18:00 Ziaziulin łajaŭsia matam na vulicy ŭ centry Maskvy.
Jon nie pryznaŭ vinu i skazaŭ, što «byŭ zatrymany supracoŭnikami FSB pa inšych abstavinach i dastaŭleny ŭ AUS Basmannaha rajona». Heta davoli raspaŭsiudžanaja praktyka — siłaviki inicyjujuć administracyjny aryšt za drobnaje parušeńnie, kab padrychtavać materyjały pa bolš surjoznym abvinavačvańni.
Kampanija «Avijacyjnaja manufaktura», jakuju ŭznačalvaje Ziaziulin, zajmajecca «apracoŭkaj mietaličnych vyrabaŭ z vykarystańniem asnoŭnych technałahičnych pracesaŭ mašynabudavańnia». U jaho taksama było IP u Biełarusi, u jakaści asnoŭnaha vidu dziejnaści jon ukazaŭ «aptovy handal inšymi mašynami i abstalavańniem». Ciapier jano ŭžo zakryta. U Rasii Ziaziulin kiravaŭ kampanijaj «Skajlift», jakaja zajmałasia pavietranym transpartam. Jana była likvidavanaja ŭ 2018 hodzie.
Ciapier čytajuć
«Pajšli nach*j vy i vaš «Baćka», pi***asy!» Pjanyja pryhody zrabili armianina Jarvanda palitviaźniem. Ciapier jon zmahajecca z prablemami ŭ Polščy13
Kamientary