Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda

Čamu varta vybrać prahramu «Historyja» Jeŭrapiejskaha humanitarnaha ŭniviersiteta?

• Mižnarodnaje akademičnaje asiarodździe — navučańnie prachodzić u multykulturnym adukacyjnym asiarodździ, što spryjaje raźvićciu hłabalnaha myśleńnia.
• Unikalny navučalny płan z praktyčnaj nakiravanaściu — prahrama spałučaje tearetyčnaje vyvučeńnie historyi z praktyčnymi daśledavańniami, pracaj z archivami, krynicami i ličbavymi technałohijami.
• Hłabalnyja pierśpiektyvy — studenty atrymlivajuć mahčymaść navučacca ŭ viadučych śpiecyjalistaŭ, prachodzić sumiesnyja kursy z univiersitetami Jeŭropy i ZŠA, uklučajučy Bard-kaledž, Prynstanski ŭniviersitet, Instytut historyi Litvy, a taksama ŭdzielničać u akademičnych abmienach Erasmus+ i OSUN, što značna pašyraje ich prafiesijnyja haryzonty.
• Raźvićcio krytyčnaha myśleńnia i daśledčych kampietencyj — studenty vučacca analizavać, arhumientavać i prezientavać vyniki.
• Padrychtoŭka da navukovaj i prafiesijnaj karjery.
• Pastupovaja moŭnaja adaptacyja i asvajeńnie moŭ — navučańnie pačynajecca na biełaruskaj movie ź intensiŭnym vyvučeńniem anhlijskaj. Studenty mohuć farmavać indyvidualnuju adukacyjnuju trajektoryju, uklučajučy vyvučeńnie niamieckaj, litoŭskaj i polskaj moŭ.

Zadumka adkryćcia takoj prahramy źjaviłasia ŭ šerahu adnadumcaŭ, apantanych histaryčnymi daśledavańniami ludziej, źjaviłasia mahčymaść adkryć histaryčny fakultet svajoj mary. Hałoŭnaje ŭ lubym univiersitecie i ŭ navučańni ŭ pryncypie — heta vykładčyki. Na prahramie pa historyi EHU pracujuć tolki apantanyja svajoj spravaj ludzi. Razam znajšli cudoŭnych zamiežnych partnioraŭ.

Karjernyja pierśpiektyvy z dypłomam pa śpiecyjalnaści «Historyja» EHU

Vypuskniki prahramy «Historyja» atrymlivajuć hłybokija viedy ŭ halinie histaryčnych daśledavańniaŭ, analizu krynic i krytyčnaha myśleńnia, što robić ich zapatrabavanymi śpiecyjalistami ŭ akademičnym asiarodździ, kultury, miedyja i śfiery publičnaj historyi.

Paśla zaviaršeńnia prahramy vypuskniki mohuć pracavać:

• Daśledčykam, navukoŭcam — udzieł u navukovych prajektach, praviadzieńnie histaryčnych daśledavańniaŭ.
• Histaryčnym kansultantam u IT, kino i videahulniach — stvareńnie dakładnaha histaryčnaha kantentu.
• Śpiecyjalistam pa Digital History — prymianieńnie ličbavych technałohij, Big Data i štučnaha intelektu dla analizu danych.
• Žurnalistam, miedyjapradziusaram — praca ŭ ŚMI, u tym liku i mieniedžarskaja.
• Akademičnaja karjera — mahčymaść praciahnuć navučańnie ŭ mahistraturach Jeŭropy i ZŠA pa napramkach historyi, kulturnaj spadčyny, publičnaj historyi i Digital History.
• Ekśpiertam pa publičnaj historyi — analiz histaryčnaj palityki, udzieł u dyskusijach i prajektach pa zachavańni spadčyny.
• Supracoŭnikam archivaŭ, muziejaŭ, biblijatek — daśledčaja praca, stvareńnie vystaŭ i adukacyjnych prahram.
• Raspracoŭščykam histaryčnych turystyčnych prahram — stvareńnie maršrutaŭ, ekskursij i adukacyjnych prajektaŭ.
• Ekśpiertam pa historyi biźniesu i karparatyŭnaj historyi — analiz danych.

Umovy pastupleńnia na prahramu «Historyja»

Zaličeńnie na prahramu «Historyja» ažyćciaŭlajecca biez ustupnych ekzamienaŭ, na padstavie matyvacyjnaha sumoŭja.

• Nie viedajecie, z čaho pačać? Aznajomciesia z pakrokavymi instrukcyjami dla abituryjentaŭ pa spasyłcy.
• Daviedajciesia bolš pra košt navučańnia, hranty i stypiendyi pa spasyłcy.

Uvieś praces — anłajn

Asnoŭnaja zručnaść — usie dakumienty možna padać dystancyjna. Kab stać studentam, nie treba jechać u Litvu, tamu viza na etapie pastupleńnia nie patrabujecca. Paśla zaličeńnia ŭniviersitet sam dapamahaje studentam z atrymańniem vizy, a paśla i vidu na žycharstva ŭ Litvie. 

Apastyl na dakumienty taksama nie patrebny — dastatkova skanaŭ atestata i vynikaŭ CT. 

Pryjom ankiet praciahniecca da 27 lipienia, ale va ŭniviersitecie zaklikajuć nie ciahnuć — čym raniej vy padaścio dakumienty, tym chutčej atrymajecie adkaz.

Zapisacca na kansultacyju i bolš padrabiazna vyvučyć mahčymaści navučańnia ŭ EHU možna na sajcie ŭniviersiteta, a taksama źviazaŭšysia z pradstaŭnikami ŭstanovy pa telefonie +370-644-96-317 (Viber, Telegram, WhatsApp).

Pavialičyć

Mižnarodnyja abmieny ŭ EHU

• EHU intehravany ŭ jeŭrapiejskuju adukacyjnuju prastoru, tamu tut nie prosta pracuje prahrama abmienaŭ Erasmus, a navat vielmi rekamiendujecca karystacca jaje mahčymaściami, jak vykładčykam, tak i studentam. I siudy ŭvieś čas pryjazdžajuć studenty i vykładčyki ź inšych krain.
• Akramia navučańnia pa abmienie ŭ inšych jeŭrapiejskich krainach, niekalki studentaŭ EHU vučylisia pa paŭhoda ŭ Bard-kaledžy ŭ ZŠA, u Japonii. Možna pajechać za miažu i na praktyku, stažyroŭku.
• U EHU taksama prachodzić značnaja kolkaść navukovych mrapryjemstvaŭ, kudy zaprašajucca śpiecyjalisty sa ŭsiaho śvietu, studenty EHU tut majuć mahčymaść kamunikavać ź imi.
• U EHU zaŭsiody jość tyja, chto pryjechaŭ pa stypiendyjach daśledčyckich hrantach, jany čytajuć adkrytyja lekcyi, pravodziać zaniatki dla studentaŭ. Akramia taho, šmat chto z vykładčykaŭ — a heta najlepšyja biełaruskija navukoŭcy — padklučajuć studentaŭ da svaich navukovych prajektaŭ i mierapryjemstvaŭ. Skažam, paru tydniaŭ tamu historyki mieli mahčymaść pasłuchać lekcyju i zadać svaje pytańni viadomamu historyku Kiejt Braŭn ź Mičyhanskaha technałahičnaha instytuta.
• Vialikaja składovaja praktyčnych zaniatkaŭ — vyjaznyja kursy va ŭstanovy-partniory (Hdańsk, palavaja praktyka na Padlaššy) i praviadzieńnie sieminaraŭ i daśledavańniaŭ tut (Vilnia — archivy i biblijateki, dyj sam horad). Sumiesnyja kursy z partniorskimi ŭstanovami (Suśvietnaja historyja — Prynstanski univiersitet), kursy OSUN.
• Studenty, ź jakimi vy budziecie kamunikavać padčas zaniatkaŭ, nie tolki pachodziać z roznych krain, ale i majuć rozny bekhraŭnd, inšuju, čym u vas, optyku. Vy budziecie nie tolki vyvučać suśvietnuju historyju, ale i spaznavać inšyja krainy i kultury.
• Studenty EHU jeździać u Paryž, Fłarencyju, Afiny, Asnabruk i h.d.
• Dva pieršyja hady — navučańnie na biełaruskaj movie z vyvučeńniem anhielskaj, z 3-ha kursa — na anhielskaj movie i dadajecca vyvučeńnie akademičnaj anhielskaj movy, z tym, kab vypuskniki mahli nie tolki jechać pa prahramach abmienu Erasmus ci OSUN Network (Bard College ZŠA), ale i mieli hodnuju movu dla pastupleńnia ŭ mahistratury Jeŭropy i ZŠA.

Kim ja budu, kali skonču «Historyju» EHU?

U pryncypie, EHU stavić sabie za metu padrychtoŭku vypusknikoŭ jakija ŭmiejuć adaptavacca da źmienlivych patrebaŭ rynku pracy. Vy atrymajecie vydatnuju humanitarnuju adukacyju. Budziecie viedać roznyja movy, budziecie ŭmieć źbirać i analizavać materyjał, aryjentavacca ŭ sučasnym śviecie i navucy, budziecie mieć vopyt mižnarodnaj kamunikacyi. 

Z takim bahažom vy budziecie zapatrabavanyja na rynku pracy i budziecie mieć mahčymaść pracavać u vialikim kole biznesu, navuki, arhanizacyj i struktur.

Bolš padrabiazna hladzi tut:

https://be.ehu.lt/studies/historyja/

• 8
• 0
• 1
• 1
• 0
• 0
• 0
• 0