Śviet22

Stała viadoma, na jakim miescy siadzieŭ pasažyr, jaki adziny acaleŭ u katastrofie samalota ŭ Indyi

U siecivie razychodzicca videa z, vierahodna, adzinym pasažyram, jaki vyžyŭ u avijakatastrofie samalota Boeing u Indyi. Usiaho zahinułych nie mienš za 250, ale moža być i kudy bolš, pakolki samalot upaŭ u žyłym rajonie.

Višvaš Kumar Ramieš

40-hadovy hramadzianin Vialikabrytanii Višvaš Kumar Ramieš, jaki byŭ znojdzieny na miescy razboru abłomkaŭ Boeing 787-8 Dreamliner, raskazaŭ vydańniu Hindustan Times, što praz tryccać siekund paśla ŭźlotu jon pačuŭ «hučny šum», a «zatym samalot raźbiŭsia».

«Kali ja ŭstaŭ, vakoł mianie byli cieły. Ja spałochaŭsia. Ja ŭstaŭ i pabieh. Vakoł mianie byli abłomki samalota. Chtości schapiŭ mianie, pasadziŭ u mašynu chutkaj dapamohi i advioz u balnicu».

Višvaš Kumar Ramieš siadzieŭ u piaredniaj častcy samalota, na miescy 11A.

Dakładnyja źviestki pra kolkaść achviar padčas krušeńnia samalota ciapier vyśviatlajucca. Načalnik miascovaj palicyi zajaviŭ, što na miescy avijakatastrofy znajšli ŭžo 204 cieły. Adnak u ciapierašni čas nieviadoma, ci byli ŭsie 204 čałavieki ŭ samalocie ci niekatoryja ź ich byli na ziamli, kali samalot raźbiŭsia.

Kamisar palicyi horada Achmiedabad havoryć, što pakolki samalot raźbiŭsia ŭ žyłym rajonie, «niekatoryja miascovyja žychary taksama mahli zahinuć».

U Fiederacyi miedycynskich asacyjacyj Indyi (FAIMA) paviedamili, što prykładna 50-60 studentaŭ-miedykaŭ dastavili ŭ balnicu paśla taho, jak samalot upaŭ na balničny internat. Asacyjacyja paviedamlaje, što piaciora studentaŭ prapali bieź viestak, i prynamsi dvoje znachodziacca ŭ adździaleńni intensiŭnaj terapii. Taksama prapali bieź viestak svajaki niekatorych lekaraŭ.

Miesca padzieńnia samalota Air India ŭ žyłym rajonie niedaloka ad aeraporta Achmiedabada 12 červienia 2025 hoda. Fota: Stringer/Anadolu via Getty Images

Pavodle źviestak Air India, na borcie samalota znachodzilisia 242 pasažyry i členy ekipaža (10 bortpravadnikoŭ i 2 piłoty). Siarod pasažyraŭ užo ŭstanoŭlenyja imiony 169 hramadzian Indyi, 53 hramadzian Vialikabrytanii, 1 hramadzianina Kanady i 7 hramadzian Partuhalii.

Vydańnie Business Insider piša, što samalot, zarehistravany jak VT-ANB, upieršyniu byŭ pieradadzieny Air India ŭ studzieni 2014 hoda. Hetaje zdareńnie, padobna, stała pieršaj takoj katastrofaj dla Boeing 787, jaki tradycyjna adnosili da adnaho z samych biaśpiečnych pasažyrskich samalotaŭ.

Kamientary2

  • Imia
    13.06.2025
    Eto skorieje isklučienije, podtvierždajuŝieje praviło: po statistikie čaŝie vyživajut passažiry, nachodiaŝijesia v chvostie samoleta – dažie pri udarie chvostom o ziemlu, nie hovoria o skolžienii puzom ili udarie nosom.
    • Proźvišča
      13.06.2025
      Imia, možiet i isklučienije, tolko vot kak ono v dannom słučaje podtvierždajet praviło - nie ponimaju. Vied́ nikto iz nachodiaŝichsia v chvostie nie vyžił. Vidimo, vsio-taki chvosty byvajut raznyje.

Ciapier čytajuć

«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3

«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii

Usie naviny →
Usie naviny

«Prapanoŭvaŭ dva błoki Winston, kab pieradali Znaku list». Były palitviazień Dźmitry Michajłaŭ — pra Maksima Znaka

U Minsku zdaryŭsia čarhovy patop

Šrajbman: Łukašenka bolš prahmatyčny za Pucina10

U Zakarpaćci padletki 13, 14, 16 i 17 hadoŭ zhvałtavali 46-hadovuju žančynu3

Palitviaźniu z Maładziečna, u jakoha niama adnoj nahi, prysudzili 4 hady kałonii1

Błohier-kanśpirołah Virus spyniaje svaju dziejnaść, bo nichto jamu nie danaciŭ13

«Prahnoz kiroŭcy — 15—16 hadzin na miažy». Pasažyry aŭtobusaŭ, što jeduć u Litvu, skardziacca na niezvyčajna doŭhaje čakańnie1

«Navat darosłyja chacieli dałučycca». Jak biełarusy ŭ emihracyi arhanizavali letnik dla dziaciej u Biełaviežskaj puščy

Zastaŭsia biez parečak. Uładalnik hadavalnika pad Minskam — pra toje, jak nadvorje paŭpłyvała na pracu1

bolš čytanych navin
bolš łajkanych navin

«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3

«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii

Hałoŭnaje
Usie naviny →

Zaŭvaha:

 

 

 

 

Zakryć Paviedamić