«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie
27 lipienia 1990 hoda ŭ Biełarusi pryniali Dekłaracyju ab suvierenitecie. Na 35 hadavinu padziei Śviatłana Cichanoŭskaja źviarnułasia da biełarusaŭ.
Cichanoŭskaja adznačyła, što siońnia, kali «krainaj kiruje prarasijski režym, a niezaležnaść hublajecca z kožnym podpisam pad čarhovaj damovaj z Kramlom», heta histaryčnaja padzieja vyhladaje napaminam:
«Napaminam, što niezaležnaść nie padaje ź nieba prosta tak i nie dajecca nazaŭsiody. Jaje treba abaraniać».
«Biełaruś, padparadkavanaja źniešniaj voli — nie toje, za što hałasavaŭ Viarchoŭny Saviet u 1990-m. I nie toje, što treba krainie siońnia. Zakony ŭ krainie pavinny stvaracca ŭ intaresach hramadzianaŭ, a nie intaresach adnaho čałavieka ci čužoj dziaržavy. A budučyniu pavinna vyznačać vola naroda, a nie pahadnieńni za začynienymi dźviaryma ci kułuarnyja damovy.
Mienavita za takuju, volnuju Biełaruś treba zmahacca dalej. Suvierenitet i jaho zachavańnie — heta nie para skazaŭ u archiŭnych dakumientach, a našaja zadača. I vykanańnie hetaj zadačy zaležyć ad kožnaha i kožnaj», — skazała Cichanoŭskaja.
Jak rychtavaŭsia vizit Cichanoŭskaj u Kijeŭ i čamu jon niekalki razoŭ pieranosiŭsia11
Kamientary