Daviedalisia, jak žyvie Siarhiej «Chłopatnaje dzielca» Mironaŭ
23-hadovy Siarhiej Mironaŭ u 2020 hodzie pracavaŭ na «Intehrale» i niečakana dla siabie samoha staŭ hierojem internet-miemaŭ, kali paśla zatrymańnia na adnym z maršaŭ siłaviki zapisali ź im videa. Padčas zdymak chłopiec nie stušavaŭsia i aryhinalna saskočyŭ z pytańniaŭ supracoŭnicy milicyi: nazvaŭ zabastoŭki «chłopatnym dzielcam» i paraiŭ usim biełarusam kidać kuryć, kab mieć mahčymaść biehać va ŭsiu moc.
U 2020-m Siarhiej Mironaŭ adsiadzieŭ 15 sutak. Maci Siarhieja taksama dva razy sudzili — za ŭdzieł u mirnaj akcyi i za biełaruski ściah na aknie. U 2021 hodzie ich abaich znoŭ zatrymali — Siarhiej pravioŭ u niavoli jašče 30 sutak.
Ad znajomych chłopca «Naša Niva» daviedałasia, čym jon zajmajecca siońnia.
Jak vyśvietliłasia, paśla taho, jak Siarhiej zvolniŭsia z «Intehrała», jon niejki čas vyvučaŭ na kursach JavaScript (mova prahramavańnia), paśla ŭładkavaŭsia na jašče adzin zavod, ale ŭ 2023 hodzie vyjechaŭ ź Biełarusi, u tym liku pieražyvajučy, što biełarusy mohuć ustupić u vajnu z Ukrainaj.
Siońnia Siarhiej Mironaŭ žyvie ŭ Polščy i pracuje na zavodzie apierataram rezalna-frezieravalnaha CNC stanka (ź ličbavym prahramnym kiravańniem). Paralelna spaścihaje kampjutarnuju navuku ŭ Škole ličbavych kampietencyj Jeŭrapiejskaha humanitarnaha ŭniviersiteta.
U milicejskim roliku Siarhiej raiŭ usim biełarusam kinuć palić, i sam pastupova taksama pryjšoŭ da hetaha.
«Viedaju, što biehać jon sprabavaŭ, ale vyjavilisia prablemy z halonkami, tamu kinuŭ i čaściej jeździć na rovary», — raskazaŭ znajomy Siarhieja.
Svabodnaha času ŭ chłopca paśla pracy i zaniatkaŭ anłajn va ŭniviery zastajecca niašmat, ale kali źjaŭlajecca svabodnaja chvilinka, jon čytaje, słuchaje aŭdyjaknihi i miedytuje.
Kali Siarhieja i jaho maci zatrymlivali, mnohija biełarusy pieražyvali za jašče adnaho člena ich siamji — sabaku Fieliksa. U chvastataha zaraz usio dobra, jon zastajecca razam z matulaj u Biełarusi.
Siabar Siarhieja taksama raskazaŭ, što jaho serca ciapier zaniataje — jon sustrakajecca ź dziaŭčynaj.
«Viedaju, što jon imkniecca pašyrać viedy ŭ roznych halinach. I vielmi pieražyvaje, kab u Biełarusi i ŭ našych susiedziaŭ nie zdaryłasia jašče čaho horšaha.
Zdabyćcio jak maha bolš sapraŭdnaj svabody voli dla jaho zastajecca kaštoŭnasnym aryjenciram».
Jak siońnia žyvuć Kuźniečyki, jakija amal dva hady chavalisia ŭ pasolstvie Šviecyi, kab nie trapić u kipciury siłavikoŭ?
Palitźniavoleny hramadzianin Łatvii atrymaŭ u SIZA dubinkaj za toje, što zastupiŭsia za biełaruskamoŭnaha źniavolenaha
Pratasievič narakaje, što nie moža znajści pracu i zadumvajecca pra adjezd
Ciapier čytajuć
Hieroja telefonnych źlivaŭ pałkoŭnika Kisiala, jaki zaklikaŭ kalečyć demanstrantaŭ, raptoŭna apuścili na rajonny ŭzrovień8
Kamientary
Dla mientov on čudak, oni, naviernoje, nie znali, čto s nim diełať.
Udači tiebie, čieł! Živi na pozitivie!