Biełarusam, jakija majuć nieruchomaść, prychodziać paviedamleńni ad padatkovaj
Biełarusy pačali atrymlivać paviedamleńni ab nieabchodnaści apłaty padatku na majomaść za 2024 hod. Pakul što ŭ asabistych kabinietach na sajcie Ministerstva pa padatkach i zborach źjavilisia tolki rachunki za nieruchomaść — padatki na ziamlu i transpart jašče nie naličanyja, piša «Lusterka».
Z 1 studzienia 2024 hoda padatki na transpart, ziamlu i nieruchomaść abjadnali ŭ adzin płaciež. Ciapier MPZ pavinna vystavić adzinuju sumu da apłaty zamiest troch asobnych rachunkaŭ, jak było raniej.
Kali čałaviek atrymaŭ rachunak tolki za nieruchomaść, ale taksama vałodaje ziamielnym učastkam ci aŭto, — paźniej jamu dadaduć adpaviednyja sumy padatku.
Usie paviedamleńni pavinny pryjści da 1 kastryčnika — ci praz poštu, ci praz asabisty kabiniet (kali čałaviek daŭ na heta zhodu). Apłacić padatki treba da 17 listapada ŭklučna (bo 15 i 16 listapada — vychadnyja). Mahčyma častkovaja abo daterminovaja apłata.
Tyja, chto nie apłacić padatak svoječasova, mohuć być pakaranyja. Pavodle Kodeksa ab administracyjnych pravaparušeńniach, praduhledžany štraf — da 40% ad nieapłačanaj sumy, ale nie mienš za 10 bazavych vieličyń (heta ciapier 420 rubloŭ). Pry paŭtornym naŭmysnym parušeńni na praciahu hoda — štraf da 200 bazavych (da 8400 rubloŭ).
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii18
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie4141
Kamientary