«Prahnoz kiroŭcy — 15—16 hadzin na miažy». Pasažyry aŭtobusaŭ, što jeduć u Litvu, skardziacca na niezvyčajna doŭhaje čakańnie
Pierasiačeńnie biełaruska-litoŭskaj miažy na aŭtobusie moža zaniać kala 12 hadzin. U čatach ludzi skardziacca na doŭhaje čakańnie. I kali ŭ «Bieniakoniach» pavodle danych Dziaržpahrankamiteta, čerhaŭ niama, to ŭ «Kamiennym Łohu» na 12:00 vyjezdu ź Biełarusi čakali dzieviać aŭtobusaŭ, paviedamlaje «Lusterka».
«Aŭtobus na 7:30 ź Minska ŭ Vilniu. U 9:50 pryjechali na miažu. Dziaviaty ŭ čarzie pierad šłahbaŭmam. Prahnoz kiroŭcy — 15—16 hadzin na miažy», — raspavioŭ adzin z tych, chto stajaŭ u čarzie ranicaj 26 lipienia.
Čytačy «Lusterka» paviedamlali, što «pa 12 hadzin prachodziać miažu». Heta paćviardžajecca i spravazdačami ŭ čacie «Kamiennaha Łohu». Naprykład, jość takoje apisańnie rejsa Eurolines ź Minska, jaki vyjechaŭ 25 lipienia:
- 19:00 — vyjezd ź Minska;
- 21:30 — Ašmiany;
- 21:45 — šosty aŭtobus pierad šłahbaŭmam;
- 03:30 — puścili za šłahbaŭm;
- 05:00 — skončyli pašpartny kantrol RB;
- 07:05 — vyjechali na niejtrałku (pierad nami jašče adzin aŭtobus u niejtralnaj zonie);
- 08:35 — zajechali da litoŭcaŭ;
- 09:30 — pačaŭsia pašpartny kantrol ŁT;
- 10:00 — prajšli ŭsie.
Inšy pasažyr raspavioŭ, što pry vyjeździe ź Minska apoŭdni 25 lipienia prachodžańnie miažy zaniało «14 [hadzin] z kapiejkami». Pry hetym biełaruski kantrol prajšli chutka, ale stajali pad daždžom i tolki praź dźvie-try hadziny zajechali na «niejtrałku».
«Stajali jašče daŭžej. Pierad nami aŭtobus uvohule nie ruchaŭsia. Zatoje toj, što stajaŭ za nami, dvuchpaviarchovy Ecolines, vyrašyŭ nas abahnać na zajeździe da litoŭcaŭ. Kiroŭca rastłumačyŭ, što tak rabić nielha. U 23:45 zajechali da litoŭcaŭ. Adno akno. Chutka, dobrazyčliva, pakul nie zaviali rasijanku na hutarku. Amal na hadzinu. 1:10 — aeraport. Doŭha, nudna, nieviadomaść napružvała», — raspavioŭ jon.
Pasažyry inšych aŭtobusaŭ raspaviadali padobnyja historyi — prachodžańnie miažy ŭ ich zajmała bolš za 10 hadzin. Naprykład, pry vyjeździe ź Minska ŭ 20:30 i prybyćci na miažu ŭ 22:00 adzin z aŭtobusaŭ zajechaŭ u Litvu tolki ŭ 10:45. «Na miažy amal 13 hadzin», — adznačyła pasažyrka.
A voś taja, što vyjechała ź Minska ŭ 14:20 25 lipienia, trapiła ŭ Litvu ŭ 5:45 i adznačyła, što «prajšli heta piekła».
Sudziačy pa paviedamleńniach, možna pierasieści ŭ aŭtobus bližej da miažy — adzin z pasažyraŭ tak zrabiŭ i, vidać, skaraciŭ čas čakańnia: «u vyniku ź pierasadkaj 10 hadzin + dajechać da vakzała 40 chvilin».
Vyjezd ź Litvy, zdajecca, nie ŭskładnieny. Adzin z aŭtobusaŭ, jaki vyjechaŭ ź Vilni ŭ 7:10, užo ŭ 11:00 ujechaŭ u Biełaruś.
Ciapier čytajuć
Łukašenka kaža, što prapanoŭvaŭ Zachadu «pieradać niekalki tysiač» palitviaźniaŭ17
Łukašenka kaža, što prapanoŭvaŭ Zachadu «pieradać niekalki tysiač» palitviaźniaŭ
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
Kamientary