Prezident Sierbii pachvaliŭsia, što nie padpisaŭ dekłaracyju samitu ŭ Adesie i «nie zdradziŭ» Rasii
Alaksandr Vučyč zajaviŭ, što nie padpisvaŭ dekłaracyju samitu «Ukraina — Paŭdniova-Uschodniaja Jeŭropa» ŭ Adesie i hetym «nie zdradziŭ Rasii». Heta jon skazaŭ žurnalistam pa vynikach samitu, paviedamlaje «Jeŭrapiejskaja praŭda».
Vučyč zajaviŭ, što svaim vizitam u Adesu nie zdradziŭ Rasii, jak śćviardžajuć niekatoryja sierbskija ŚMI, i, pa jaho słovach, «znoŭ adziny, chto nie pryniaŭ dekłaracyju» samitu ŭ Adesie.
«U adroźnieńnie ad ich (vierahodna, inšych udzielnikaŭ samitu), jakija hatovyja pryniać usio, što nakiravana suprać Rasii, usio, što mohuć», — skazaŭ Vučyč.
Jon dadaŭ, što Sierbija abaraniaje intaresy mižnarodnaha publičnaha prava, zaŭsiody kirujučysia ŭłasnymi intaresami.
«Ja hanarusia palitykaj Sierbii, našaj niezaležnaściu, našaj aŭtanomijaj, i my budziem praciahvać tak rabić», — padkreśliŭ sierbski prezident.
Apublikavanaja na sajcie Ofisa prezidenta Ukrainy dekłaracyja paćviardžaje, što Vučyč — adziny ŭdzielnik samitu «Ukraina — Paŭdniova-Uschodniaja Jeŭropa», jaki jaje nie padpisaŭ.
U dakumiencie, miž inšym, «najrašučym čynam» asudžajecca vajna Rasii suprać Ukrainy i zaklikajecca mižnarodnaja supolnaść «zachoŭvać i nadalej uzmacniać sankcyi suprać Rasijskaj Fiederacyi».
Udzielniki samitu taksama paćvierdzili jeŭraatłantyčnyja pamknieńni Ukrainy i dziaržaŭ rehijona.
Dla Alaksandra Vučyča heta byŭ pieršy vizit va Ukrainu.
Ciapier čytajuć
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać1919
Kamientary