U Jeŭropie zaćvierdzili novyja pošliny na sielhastavary i ŭhnajeńni ź Biełarusi i Rasii
Rada Jeŭrapiejskaha sajuza pryniała rašeńnie ŭvieści novyja mytnyja pošliny na sielskahaspadarčuju pradukcyju i asobnyja vidy ŭhnajeńniaŭ ź Biełarusi i Rasii. Da hetaha jany nie abkładalisia dadatkovymi zborami.
Jak paviedamlajecca, hetaja miera nakiravanaja na źmianšeńnie zaležnaści ES ad impartu ź Biełarusi i Rasii i na skaračeńnie dachodaŭ Rasii ad ekspartu. Pastanova pavinna ŭstupić u siłu 1 lipienia 2025 hoda.
Paśla ŭstupleńnia rašeńnia ŭ siłu pošliny buduć dziejničać dla ŭsich sielhaspraduktaŭ z Rasii. Bolšaść inšych tavaraŭ užo abkładajucca mytami. Taksama novaŭviadzieńnie zakranie i tyja tavary, što ŭ 2023 hodzie składali kala 15% usiaho ahrarnaha impartu z Rasii.
Što datyčycca ŭhnajeńniaŭ, u tym liku ź Biełarusi, to novyja pošliny buduć užyvacca da niekatorych azotnych praduktaŭ. Ich pavyšeńnie budzie adbyvacca pastupova ciaham troch hadoŭ.
U ES padkreślili, što realizacyja novaj palityki budzie stroha kantralavacca. Jaje meta — asłableńnie vajennaj ekanomiki Rasii, pavieličeńnie ŭnutranaj vytvorčaści i raznastajnaści pastavak u ES, a taksama zabieśpiačeńnie jeŭrapiejskich fiermieraŭ nieabchodnymi tavarami.
Praŭda, sami fiermiery ŭ ES nie ŭsie padtrymali hetaje rašeńnie. Jany papiaredžvali pra mahčymyja surjoznyja nastupstvy i prasili adkłaści ŭviadzieńnie novych mier chacia b na hod.
Biełaruskija ŭłady, u svaju čarhu, rezka krytykujuć usie sankcyi i ekanamičnyja abmiežavańni, nazyvajučy ich «niezakonnymi».
Hiermanija zakuplaje ŭsio bolš biełaruskich azotnych uhnajeńniaŭ. Za try hady rost u 120 razoŭ
Volha Łojka: Sankcyi na biełaruskija kalijnyja ŭhnajeńni mohuć być pomstaj z boku Rasii
Łukašenka: Prodažy kalijnych uhnajeńniaŭ viarnulisia na dasankcyjny ŭzrovień
Što budzie ź Biełaruśsiu, kali ES uviadzie poŭnaje handlovaje embarha suprać Rasii
Kamientary