«Ludzi ad nas adviarnulisia». Žonka ŭładalnika pašparta prykryćcia Ivana Miščuka prakamientavała skandał ź im
U kancy maja «Naša Niva» daviedałasia, što ŭ Ivana Miščuka, biełaruskaha fatohrafa, jaki žyvie i pracuje ŭ Polščy, jość pašpart prykryćcia na imia Ivan Mišyn. Sam Ivan admaŭlaŭ, što maje taki pašpart, a ciapier «Jeŭraradyjo» pasprabavała pahavaryć ź jahonaj žonkaj Julijaj.
Julija Miščuk (Bojka) u siamichvilinnaj razmovie z «Jeŭraradyjo» zajaviła, što jany z mužam sutyknulisia z surjoznymi nastupstvami: ź Ivanam admovilisia supracoŭničać usie placoŭki, jana taksama straciła častku pracy:
«My całkam stracili mahčymaści ŭ svajoj śfiery dziejnaści, u fatahrafii, choć niejak siabie prajavić. Ludzi adviarnulisia. Usie praktyčna placoŭki admovilisia ad Ivana całkam, ad mianie častkova».
Žančyna ličyć, što žurnalisty, maŭlaŭ, užo vyrašyli ŭsio zahadzia i pavieryli adnabakovaj infarmacyi biez svajho rasśledavańnia.
Julija havoryć, što nie bačyła nijakich «baz danych», a ŭsio, što było apublikavana, — heta «niejkaja niezrazumiełaja fatahrafija». Jana nie paćvierdziła, ci znachodziacca jany z mužam ciapier u Polščy, i zajaviła, što dakazvać nievinavataść praź miedyja nie źbirajecca.
Pavodle Belpol i «Kibierpartyzanaŭ», pašparty prykryćcia sapraŭdy isnujuć, afarmlajucca dla kankretnych zadač i mohuć navat nie traplać u ruki asob, na jakich jany aformlenyja. Ale sam fakt ich najaŭnaści moža vyklikać padazreńni, asabliva kali čałaviek pracuje pobač z demakratyčnaj apazicyjaj.
Fatohraf-ahient z dvuma pašpartami zdymaje biełarusaŭ i ich mierapryjemstvy ŭ Varšavie
«Biełpoł»: Pašparty prykryćcia majuć tysiačy asobaŭ. Nie ŭsie hetyja ahienty raspracoŭvajuć apazicyju, u ich mohuć być i inšyja zadačy
Azaraŭ: Fatohraf-ahient Miščuk pracavaŭ u ABBA, byvaŭ doma ŭ mnohich aktyvistaŭ, adnaho ź biznesmienaŭ pasadzili paśla fotasiesii
Fatohraf-ahient Miščuk raskazaŭ svaju viersiju taho, što adbyłosia
Bury adkazaŭ Azaravu pra ahienta Miščuka: Jon nikoli nie pracavaŭ u AVVA i ni da jakoj sakretnaj infarmacyi dostupu nie mieŭ
Fatohraf-ahient Miščuk nie pamiataje, jak rabiŭ svoj zdymak na pašpart prykryćcia. I jašče šmat što nie pamiataje
Ciapier čytajuć
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4646
Kamientary