«Biełpoł»: Pašparty prykryćcia majuć tysiačy asobaŭ. Nie ŭsie hetyja ahienty raspracoŭvajuć apazicyju, u ich mohuć być i inšyja zadačy
Pradstaŭnik abjadnańnia «Biełpoł» Uładzimir Žyhar u kamientary «Biełsatu» patłumačyŭ, dla čaho mohuć vydavacca pašparty prykryćcia. I ŭ kolkich ludziej taki dakumient moža być.
Apošnim časam źviestki pra najaŭnaść u toj ci inšaj asoby pašpartu prykryćcia nieadnarazova źjaŭlalisia ŭ miedyjach. Heta, i supracoŭnik KDB Alaksiej Łabiejeŭ, jaki mieŭ pašpart prykryćcia na imia Alaksiej Hardziejeŭ, jaki ŭdzielničaŭ u pravakacyi z udziełam prapahandysta Hryhoryja Azaronka i datyčny da źniknieńnia śpikierki Kaardynacyjnaj rady Anžaliki Mielnikavaj.
Heta i muž žurnalistki niezaležnych miedyjaŭ Volhi Siamaški Fiodar Harbačoŭ z pašpartam na imia Viktara Makaviejeva. I varšaŭski fatohraf Ivan Miščuk z dakumientam Ivana Mišyna, jaki zdymaŭ akcyi demakratyčnych siłaŭ, palitykaŭ i žurnalistaŭ.
Jak adznačyŭ pradstaŭnik abjadnańnia «Biełpoł» Uładzimir Žyhar, pašpart prykryćcia — heta lehiendziravany dakumient, jaki vydajecca abo robicca ŭ ramkach zakonu ab apieratyŭna-vyšukovaj dziejnaści orhanami, nadzielenymi prava vieści takuju dziejnaść.
«Jon vydajecca jak prostym ludziam [nie kadravym supracoŭnikam siłavych struktur — NN], tak i supracoŭnikam pad vykanańnie peŭnych apieratyŭnych zadač», — adznačyŭ Žyhar.
Farmalna taki pašpart nielha vykarystoŭvać za miažoj. Dyj asoby, u dačynieńni jakich jon zrobleny, nie majuć jaho na stałaj asnovie abo mohuć navat u vočy nie bačyć. Jon robicca pad peŭnuju zadaču i potym zachoŭvajecca orhanam, jaki jaho vydaŭ.
«Inšaja sprava, kali heta štatny supracoŭnik HRU, i tady jon moža vyjechać pa im za miažu i viarnucca nazad. Takija prykłady jość», — adznačyŭ pradstaŭnik «Biełpoł».
Pavodle jaho, nie ŭsie, kamu vydavali pašpart prykryćcia, raspracoŭvajuć demakratyčnuju apazicyju, ale i takoje byvaje.
Žyhar padkreśliŭ, što ŭ «Biełpoł» jość baza ŭsich pašpartoŭ prykryćcia — «heta tysiačy ludziej, jakija žyli, žyvuć u Biełarusi». Ale, dadaŭ jon, dla publikacyi hetych źviestak patrebnyja resursy i čas.
Tym ža žurnalistam, aktyvistam i palitykam, jakija nie ŭpeŭnienyja ŭ asobach, ź jakimi kantaktujuć, surazmoŭca paraiŭ źviartacca ŭ «Biełpoł» dla ich praviarańnia.
Fatohraf-ahient z dvuma pašpartami zdymaje biełarusaŭ i ich mierapryjemstvy ŭ Varšavie
Muž Siamaški byŭ nie adzinym, chto atrymaŭ pašpart prykryćcia 13 lutaha 2018 hoda
Žurnalist paćvierdziŭ, što pašpart prykryćcia muža Siamaški dahetul sapraŭdny. I ŭziaŭ jaho pad kantrol na sajcie MUS
«Kibierpartyzany»: U muža žurnalistki Volhi Siamaški sapraŭdy dva pašparty na roznyja imiony
Ciapier čytajuć
«Mis Biełaruś» usio bolš nahadvaje konkurs pryhažości ŭ haremie23
Kamientary