20-hadovy chłopiec sa Žłobina praz tyktok pad vyhladam mahičnaj dapamohi padmanvaŭ ludziej, jakija cikaviacca ezaterykaj. Jon stvaryŭ akaŭnt z realnym imiem i numaram telefona, dzie vykładaŭ čužyja videa z pryvabnymi zahałoŭkami i simvałami, źviazanymi z mahijaj i relihijaj, paviedamlaje Śledčy kamitet.
Padčas žyvych efiraŭ chłopiec prapanoŭvaŭ dapamohu ŭ roznych žyćciovych pytańniach — ad paśpiachovych apieracyj da pastupleńnia ŭ VNU i asabistych adnosin. Patencyjnych klijentaŭ jon pieravodziŭ u asabistyja čaty, dzie pastupova vymańvaŭ u ich hrošy, abiacajučy vyrašeńnie prablem praz roznyja rytuały i abrady. Pry hetym jon imitavaŭ ščyruju ŭvahu da prablem i nastojvaŭ na apłacie dadatkovych pasłuh.
Ludzi z roznych rehijonaŭ Biełarusi pieraličvali jamu ad 25 da 600 rubloŭ, a adzin mužčyna z Brestčyny za dva miesiacy straciŭ bolš za 3000 rubloŭ, choć nijakich cudaŭ, naturalna, nie adbyłosia.
Suprać hetaha chłopca raspačali kryminalnuju spravu pa artykule ab machlarstvie, jon znachodzicca pad vartaj. Śledčyja praciahvajuć vyśviatlać, kolki ludziej jon ašukaŭ.
Prapahandysty znoŭ źviarnulisia da kanśpirałohii. Kozyr z «Płanam Dalesa» dastaŭ Kirył Kazakoŭ
U Biełaruś pratačyłasia novaja siekta z Rasii. Były zek zmušaje pastvu pradavać kvatery i vykidać dakumienty
Rodam z Homiela, pracavała ŭ EPAM. Što viadoma pra biełarusku, jakaja raźbiłasia ŭ viertalocie z ezaterykami na Ałtai
Kamientary