Paśla raznosu Łukašenki «Biełaruśfilm» biarecca stvarać «liniejku svaich sieryjałaŭ»
Pra toje, što ŭ Biełarusi pačali sistemna stvarać ułasnyja sieryjały, paviedamiŭ ministr kultury Rusłan Čarniecki ŭ efiry telekanała STB.
Ministr padkreśliŭ, što ciapier staić zadača da 1 vieraśnia navieści na kinastudyi «Biełaruśfilm» paradak u kadrach i materyjalnaj bazie. A paśla taho ad Ministerstva kultury i «Biełaruśfilma» čakajuć jakasnych kinaprajektaŭ, u tym liku i sieryjałaŭ.
Jon nahadaŭ, što 18 vieraśnia adbudziecca premjera filma «Kłasnaja», jaki zmohuć pahladzieć hledačy. Akramia taho, ciapier u pracy znachodziacca jašče try filmy: adzin vyjdzie ŭ hetym hodzie, a dva pieranosiacca na 2026 hod.
Novam kirunkam dla «Biełaruśfilma» maje stać «stvareńnie na pastajannaj asnovie liniejki svaich sieryjałaŭ dla svaich telekanałaŭ».
Raniej, pa słovach Čarnieckaha, takuju pradukcyju ŭ krainie na pastajannaj asnovie nie zdymali, a ciapier hałoŭnaje dla hetaha ŭžo jość:
«I telekanały, u tym liku telekanał STB, hatovyja z nami supracoŭničać. Z nami — heta z «Biełaruśfilmam» i ź Ministerstvam kultury. I pastavić na pastajannuju asnovu zdymki hetych sieryjałaŭ».
Kruty pryznaŭsia Łukašenku, što akupnaść Biełaruśfilma — 3%
Piatkievič: Kiniematohraf u jaho ciapierašnim stanie nam nie patrebny
Łukašenka pra «Biełaruśfilm»: Niachaj stvarajuć, pradajuć i žyvuć, nie — da pabačeńnia
«Vyskačyć na vulicu ŭ karotkich spadničkach — heta vy mahli. I ŭsich hvałtavali tam». Łukašenka ŭspomniŭ kinošnikam 2020-y i zaklikaŭ spynicca
Łukašenka na naradzie pra kino: Biez vas my možam abyścisia. Vas niama
Kamientary