Izrailskija VPS vykarystoŭvali ŭ Iranie prykładna dźvieście samalotaŭ dla ataki na kala sta celaŭ, i pry hetym nie stracili nivodnaha. Bambaviki typaŭ F-35, F-16 i F-15 zbližalisia sa svaimi celami (pieravažna ŭ biezabaronnaj stalicy — Tehieranie) na adlehłaść da 50 kiłamietraŭ, kab skinuć kiravanyja bomby, piša Bild.
Taki manieŭr, na pieršy pohlad, davoli ryzykoŭny. Adnak z boku iranskich Uzbrojenych sił praktyčna nie było nijakaha supracivu. Tolki na adnoj-adzinaj bazie na napad adkazała sistema SPA. Sotni aficeraŭ i piłotaŭ Irana navat nie viedali, što naohuł niešta adbyvajecca.
Heta śviedčyć pra masiravanuju kibierataku z užyvańniem srodkaŭ elektronnaj vajny, jakaja, vierahodna, pačałasia ŭžo pry ŭźlocie izrailskich samalotaŭ. Takim čynam Izrailu, vidać, udałosia na niekalki hadzin adklučyć iranskija radary z dapamohaj srodkaŭ REB. Iranskija VPS, jakija padnialisia ŭ pavietra, prosta nie bačyli celaŭ.
Akramia taho, Izrail, vidavočna, vyvieŭ sa stroju suviaź pamiž roznymi padraździaleńniami SPA i pryvatnyja kamunikacyjnyja sistemy — mabilnyja telefony, racyi i pejdžary. Ni SMS, ni WhatsApp, ni zvanki nie papiaredzili atakavanyja abjekty pra majučyja adbycca ŭdary Izraila.
Inakš, ličać ahladalniki Bild Chans-Jurhien Fielevald i Julijan Ropkie, niemahčyma rastłumačyć, čamu kala dvuch dziasiatkaŭ iranskich hienierałaŭ byli ŭ svaich łožkach u momant, kali na ich damy pasypalisia izrailskija snarady, i zahinuli.
U cełym režym Irana akazaŭsia ślapy, hłuchi i niamy. Suviaź była adnoŭlenaja tolki ranicaj, kali izrailskija VPS užo zrabili svaju pracu.
Ciapier čytajuć
Chto z palitviaźniaŭ vyjšaŭ na svabodu 16 vieraśnia POŬNY ŚPIS18
Kamientary
na pačatku vajny.
Treba trochi pačakać, što irancy skažuć.
Jany moža i nie viedajuć, što ŭščent raźbityja.