MUS Ukrainy: Rasija razam ź ciełami ŭkrainskich vajskoŭcaŭ pieradaje i rasijskich
Ministr unutranych spraŭ Ukrainy Ihar Klimienka paviedamiŭ u aficyjnym telehram-kanale, što Rasija, kab uskładnić ukrainskim ekśpiertam identyfikacyju pieradadzienych ciełaŭ vajskoŭcaŭ, naŭmysna ich niaviečyć, a taksama pieramiešvaje cieły ŭkraincaŭ z rasijanami.
Ministr adznačaje, što paśla kožnaj repatryjacyi ciełaŭ nad imi pačynajecca dalikatnaja i karpatlivaja praca: ahlad śledčymi, sudova-miedycynskaja ekśpiertyza, pravierka DNK, analiz kožnaj detali.
Hety praces i biez taho składany i praciahły, ale Rasija naŭmysna robić jaho jašče ciažejšym. Cieły viartajucca ŭ mocna źniaviečanym stanie, častki cieł mohuć być raskładzienyja pa roznych miaškach. Byvaje, što pareštki adnaho čałavieka pieradajucca ŭ roznych partyjach.
Akramia taho, u apošnich vypadkach repatryjacyi razam ź ciełami ŭkrainskich voinaŭ ukraincam, jak śćviardžajecca, pieradavali i cieły rasijskich vajskoŭcaŭ.
Ihar Klimienka dapuskaje, heta było zroblena naŭmysna, kab pierahruzić ukrainskich śpiecyjalistaŭ pracaj i stvaryć infarmacyjny cisk, choć, moža, heta prosta pakazčyk abyjakavaści Rasii da svaich ža sałdat. U kožnym vypadku hetyja cieły taksama prachodziać praces identyfikacyi.
«My razumiejem, jak baluča čakać svajakam. Tamu robim usio, kab paskoryć identyfikacyju. Ale z kožnaj maštabnaj repatryjacyjaj heta robicca ŭsio ciažej. I, mahčyma, mienavita hetaha damahajecca Rasija», — śćviardžaje Ihar Klimienka.
Ukraina atrymała ad Rasii jašče 1200 ciełaŭ zahinułych vajskoŭcaŭ
Rasija pieradała Ukrainie 1200 ciełaŭ zahinułych vajskoŭcaŭ
Rasija i Ukraina praviali čarhovy abmien ciełami zahinułych vajskoŭcaŭ. Jon išoŭ praź Biełaruś
«My znoŭ sutykajemsia z manipulacyjami». Ukraincy adkazali na rasijskija abvinavačvańni ŭ zaciahvańni abmienu ciełami i pałonnymi
Rasijanie viazuć u Biełaruś tysiačy ciełaŭ zabitych vajskoŭcaŭ dla abmienu
Kamientary
ardoj ... Ukrainskija historyki kažuć, što Chmialnicki ničoha nie
padpisvaŭ, i ŭsio heta chłuśnia! I papier nijakich nie było i niama! A maskoŭcy
kažucu, što Chmialnicki -- padpisvaŭ, ale papiery nie zachavalisia bo mol
ich pajeła. A ŭ vyniku što? Ukraina-Ruś na doŭhija stahodździ patrapiła pad
maskoŭski bot. Maskoŭskaja arda skrała nazvu Ukrainy -- Ruś, usiu jaje
historyju, mitalohiju, kulturu i vydaje jaje za svaju. Uziać by taho kniazia
Uładzimira, jaki, nibyta, chryściŭ maskavitaŭ, jašče i pomniki jamu nachabna
staviać. A dalej i zhadvać nie chočacca.... Balšavicki džychad , akupacyja BNR
, vajna z Polšaj , Estonijej , Finlandyjej, Haładamor, represii, Kurapaty, hienacyd, Novaja emperyja , alehrachi, karupcyja , empieryjalizm ...I narešcie zachop 1/3 Azierbałdžana, Mołdovy, Hruzii , anieksija Kryma, vajna na Dambase, vajna, vajna ....