МУС Украіны: Расія разам з целамі ўкраінскіх вайскоўцаў перадае і расійскіх
Міністр унутраных спраў Украіны Ігар Кліменка паведаміў у афіцыйным тэлеграм-канале, што Расія, каб ускладніць украінскім экспертам ідэнтыфікацыю перададзеных целаў вайскоўцаў, наўмысна іх нявечыць, а таксама перамешвае целы ўкраінцаў з расіянамі.
Міністр адзначае, што пасля кожнай рэпатрыяцыі целаў над імі пачынаецца далікатная і карпатлівая праца: агляд следчымі, судова-медыцынская экспертыза, праверка ДНК, аналіз кожнай дэталі.
Гэты працэс і без таго складаны і працяглы, але Расія наўмысна робіць яго яшчэ цяжэйшым. Целы вяртаюцца ў моцна знявечаным стане, часткі цел могуць быць раскладзеныя па розных мяшках. Бывае, што парэшткі аднаго чалавека перадаюцца ў розных партыях.
Акрамя таго, у апошніх выпадках рэпатрыяцыі разам з целамі ўкраінскіх воінаў украінцам, як сцвярджаецца, перадавалі і целы расійскіх вайскоўцаў.
Ігар Кліменка дапускае, гэта было зроблена наўмысна, каб перагрузіць украінскіх спецыялістаў працай і стварыць інфармацыйны ціск, хоць, можа, гэта проста паказчык абыякавасці Расіі да сваіх жа салдат. У кожным выпадку гэтыя целы таксама праходзяць працэс ідэнтыфікацыі.
«Мы разумеем, як балюча чакаць сваякам. Таму робім усё, каб паскорыць ідэнтыфікацыю. Але з кожнай маштабнай рэпатрыяцыяй гэта робіцца ўсё цяжэй. І, магчыма, менавіта гэтага дамагаецца Расія», — сцвярджае Ігар Кліменка.
Украіна атрымала ад Расіі яшчэ 1200 целаў загінулых вайскоўцаў
Расія перадала Украіне 1200 целаў загінулых вайскоўцаў
Расія і Украіна правялі чарговы абмен целамі загінулых вайскоўцаў. Ён ішоў праз Беларусь
«Мы зноў сутыкаемся з маніпуляцыямі». Украінцы адказалі на расійскія абвінавачванні ў зацягванні абмену целамі і палоннымі
Расіяне вязуць у Беларусь тысячы целаў забітых вайскоўцаў для абмену
Каментары
ардой ... Украінскія гісторыкі кажуць, што Хмяльніцкі нічога не
падпісваў, і ўсё гэта хлусня! І папер ніякіх не было і няма! А маскоўцы
кажуцуь, што Хмяльніцкі -- падпісваў, але паперы не захаваліся бо моль
іх паела. А ў выніку што? Украіна-Русь на доўгія стагоддзі патрапіла пад
маскоўскі бот. Маскоўская арда скрала назву Украіны -- Русь, усю яе
гісторыю, міталёгію, культуру і выдае яе за сваю. Узяць бы таго князя
Уладзіміра, які, нібыта, хрысціў маскавітаў, яшчэ і помнікі яму нахабна
ставяць. А далей і згадваць не хочацца.... Бальшавіцкі джыхад , акупацыя БНР
, вайна з Польшай , Эстоніей , Фінляндыей, Галадамор, рэпрэсіі, Курапаты, генацыд, Новая эмпэрыя , алеграхі, карупцыя , эмперыялізм ...І нaрэшце захоп 1/3 Азербалджана, Молдовы, Грузіі , анексія Крыма, вайна на Дамбасe, вайна, вайна ....