Dakładnych terminaŭ pa ŭkaranieńni 5G u Biełarusi pakul niama, ale jość čakańni, u tym liku mabilnych apierataraŭ, što heta adbudziecca zusim chutka.
«Raźvićciom 5G, jak i 4G, zajmajecca beCloud. I my raźličvajem, što infrastrukturny pravajder spracuje chutka. Sa svajho boku my b vitali ŭkaranieńnie 5G ŭ niejkim vyhladzie da kanca 2025 hoda», — raspavioŭ u intervju Tochka.by namieśnik dyrektara kampanii MTS pa techničnych pytańniach Alaksiej Ciažkich.
Miarkujecca, što 5G budzie kročyć pa krainie ad haradoŭ, dzie vialikaja kancentracyja abanientaŭ, da mienš nasielenych rehijonaŭ.
«5G harantuje tyja chutkaści, jakija nie daść 4G. Asabliva heta nieabchodna ŭ śfierach B2B i B2G. U pieršym vypadku my havorym ab technałohijach dla biznesu (virtualnyja buchhałteryi, vobłačnyja mahčymaści, źviazka z praduktami). U druhim — havorka pra biznes dla dziaržavy (razumnyja harady, razumnaja miedycyna, elektronnyja pasłuhi, aŭtamatyzacyja vytvorčaściaŭ praź biespravadnuju suviaź). Biez 5G heta zrabić budzie vielmi ciažka», — miarkuje pradstaŭnik kampanii MTS.
Kamientary