U pačatku maja ŭ Pietrykaŭskim rajonie razrad małanki zabiŭ 71 karovu. Pad udar trapiŭ i žyviołavod, jaki znachodziŭsia pobač. Pa ščaślivym źbiehu abstavin mužčyna zastaŭsia žyvy.
Viaskoviec sačyŭ za statkam karoŭ, jakija znachodzilisia na volnym vypasie pablizu fiermy adnaho ź sielhaspradpryjemstvaŭ. Kali ŭ druhoj pałovie dnia pačałasia navalnica, jon schavaŭsia ŭ draŭlanym vahončyku, što znachodziŭsia tam ža, paviedamlaje Dziaržaŭny kamitet sudovych ekśpiertyz.
U peŭny momant žyviołavod vyrašyŭ pravieryć, ci na miescy karovy. Udar małanki parušyŭ płany. Mužčyna straciŭ prytomnaść. Ačuniaŭ, kali doždž skončyŭsia.
Sa skarhami na słabaść, dryžyki, łamatu ŭ sustavach i ciahlicavyja boli ŭ kaniečnaściach viaskoŭca špitalizavali.
Miedycynskija rabotniki zafiksavali ŭ jaho fihury Lichtenbierha (ślady małanki), a taksama parušeńnie rytmu serca. U balnicy jon pravioŭ 8 dzion.
U ekśpiertna-kryminalistyčnym siektary pa Pietrykaŭskim rajonie Žytkavickaha mižrajonnaha adździeła Dziaržaŭnaha kamiteta sudovych ekśpiertyz pa Homielskaj vobłaści paćvierdzili: žyviołavod sapraŭdy atrymaŭ elektratraŭmu, jakaja prajaviłasia fihurami Lichtenbierha na piaredniaj pavierchni hrudnoj kletki i elektryčnym paražeńniem mijakarda. Heta adnosicca da lohkich cialesnych paškodžańniaŭ pa prykmiecie karotkačasovaha rasstrojstva zdaroŭja.
Ciapier čytajuć
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia3
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2121
Kamientary