Jak daviedacca, ci apyrskvali kłubnicy: adzin prosty sposab raskryje praŭdu
Siezon kłubnic u samym razhary. Hetyja sakavityja i sałodkija jahady ciapier daminujuć na talerkach biełarusaŭ. Ale pierš čym paciahnucca za čarhovaj porcyjaj, varta zadumacca, što chavajecca na ich pavierchni. Raskazvajem, jak pierakanacca, što kłubnicy, jakija vy kupili, nie ŭtrymlivajuć piestycydaŭ.
Kłubnicy, jakija pradajucca ŭ kramach i na rynkach, možna padzialić na dźvie asnoŭnyja katehoryi: arhaničnyja i vyraščanyja standartnymi pramysłovymi mietadami.
Ale navat arhaničnyja jahady, atrymanyja z vykarystańniem naturalnych uhnajeńniaŭ, mohuć utrymlivać zabrudžvańni z hleby, vady ci pavietra, tamu nie zaŭsiody źjaŭlajucca całkam čystymi.
Jak praviła, dla pavieličeńnia ŭradžaju i abarony jahad ad nasiakomych ci psavańnia vytvorcy vykarystoŭvajuć dazvolenyja standartami chimičnyja srodki apracoŭki. Choć uzrovień hetych srodkaŭ zvyčajna nie pieravyšaje biaśpiečnych normaŭ, praźmiernaje spažyvańnie apracavanych jahad moža patencyjna niehatyŭna paŭpłyvać na zdaroŭje.
Jak pravieryć, ci apyrskvali kłubnicy?
Bolšaść piestycydaŭ asiadaje na pavierchni kłubnic, tamu vielmi važna staranna myć jahady pierad užyvańniem.
Jak piša Onet.pl, dla ekałahičnych jahad dastatkova pramyć ich pad pratočnaj vadoj. Ale kali vy nie ŭpeŭnienyja ŭ ich pachodžańni, varta ŭžyć bolš dbajnyja mietady.
Najbolš efiektyŭny sposab vydalić piestycydy — vykarystać sumieś vady z vocatam i rastvor vady z sodaj. Voś jak heta zrabić:
1. Pryhatujcie rastvor vady z vocatam u praporcyi 3:1 (naprykład, 3 šklanki vady na 1 šklanku vocatu). Pahruzicie ŭ jaho kłubnicy na 5 chvilin.
2. Paśla hetaha źlicie vadu i pierakładzicie jahady ŭ rastvor vady z charčovaj sodaj (1 čajnaja łyžka sody na 1 litr vady). Trymajcie ich tam jašče 5 chvilin.
3. Kali vada stanie mutnaj, heta aznačaje, što kłubnicy byli apyrskanyja. Soda ŭ nievialikaj kolkaści efiektyŭna niejtralizuje kisłatu vocatu i dapamahaje rasščaplać piestycydy, jakija mohuć zastavacca na pavierchni jahad.
4. U kancy staranna prapałaščycie jahady pad pratočnaj vadoj, kab vydalić reštki rastvoru, kab paźbiehnuć źmieny ich smaku.
Kali vy nabyli vialikuju kolkaść jahad i chočacie pravieryć, ci apyrskvali ich, lepš pravieści test na nievialikaj porcyi. Ale pamiatajcie, što takija pracedury mohuć paŭpłyvać na smak kłubnic, tamu ich varta ŭžyvać tolki dla jahad, jakija vyklikajuć sumnievy. Taksama rekamiendujecca pakidać na kłubnicach chvościki — heta dapamoža im daŭžej zastavacca śviežymi.
Ciapier čytajuć
«Patraciła 300 rubloŭ — a jašče tolki siaredzina červienia!» Biełarusy abmiarkoŭvajuć vydatki na pakos travy i dzielacca łajfchakami8
Kamientary
Da, obrabatyvajut.
Biez obrabotki nie połučiš urožaja.