U Kiraŭsku brat zabiŭ siastru, chočučy abaranić jaje ad mužčyn sa svaich halucynacyj
Hety vypadak adbyŭsia ŭ listapadzie minułaha hoda. Unučka z praŭnukam pryjšli ŭ hości da pažyłoj žančyny i znajšli jaje cieła ŭ łužynie kryvi. Pa vynikach rasśledavańnia vyśvietliłasia, što zabojstva ŭčyniŭ jaje rodny brat, paviedamlaje Śledčy kamitet.
65‑hadovy mužčyna ź vioski Kapuścina pryjechaŭ u Kiraŭsk pa spravach. Źniaŭšy z rachunku piensiju, jon pajšoŭ da siastry, kab viarnuć joj pazyčanyja hrošy, ale pa darozie zajšoŭ u kramu i kupiŭ śpirtny napoj. Svajaki paśla taho vypivali, mužčyna navat dvojčy chadziŭ u kramu pa butelku. U vyniku jon zastaŭsia ŭ siastry na noč, i ŭsio ŭ vyniku skončyłasia zabojstvam.
Sam mužčyna śćviardžaŭ, što ŭ toj viečar paśla vialikaj kolkaści vypitaha ŭ jaho pačalisia vidziežy i halucynacyi. Jon ličyŭ, što abaraniaje siastru ad «mužčyn, jakija pryjšli ŭ dom», a paśla pajšoŭ spać u łaźniu. Mienavita tam potym znajšli nož — pryładu zabojstva, schavanuju ŭ skryncy.
Adnak psichijatryčnaja ekśpiertyza pryznała mužčynu prytomnym dy zdolnym uśviedamlać svaje dziejańni i kiravać imi. Svajaki charaktaryzujuć jaho jak spakojnaha i mirnaha čałavieka, ale pad uździejańniem ałkaholu ŭ jaho ŭźnikajuć prystupy złości i ahresii. Ciapier mužčynu čakaje sud za zabojstva.
Kamientary