Administracyja Trampa zakryła sakretnuju pracoŭnuju hrupu, zaklikanuju schilić Rasiju da mirnaha pahadnieńnia
U apošnija tydni administracyja Trampa spyniła pracu mižviedamasnaj rabočaj hrupy, stvoranaj dla vypracoŭki stratehii cisku na RF z metaj paskareńnia mirnych pieramovaŭ. Pra heta piša Reuters sa spasyłkaj na troch amierykanskich čynoŭnikaŭ.
Pra isnavańnie takoj rabočaj hrupy raniej nie paviedamlałasia, źviartaje ŭvahu ahienctva. Śćviardžajecca, što jana była stvoranaja ŭ sakaviku ci krasaviku, kali daradcy Donalda Trampa ŭsio bolš skieptyčna pačali stavicca da hatoŭnaści Kramla dasiahnuć pahadnieńnia, a «rytoryka Trampa davała padstavy mierkavać, što jon moža być zacikaŭleny ŭ źmienie svajoj padatlivaj pazicyi ŭ dačynieńni da Pucina».
Pa słovach čynoŭnikaŭ, u hrupie, u pryvatnaści, abmiarkoŭvali varyjanty, jak ZŠA mahli b akazać cisk na byłyja savieckija respubliki i inšyja krainy, kab abmiežavać patok tavaraŭ i enierhanośbitaŭ u RF i ź jaje.
Surazmoŭcy Reuters kažuć, što praca, raspačataja viasnoj, była spynienaja ŭ mai, bo ŭdzielnikam hrupy stała jasna, što «Tramp nie zacikaŭleny ŭ bolš kanfrantacyjnaj pazicyi ŭ dačynieńni da Maskvy».
-
«Manueła Łukašenka». U Hiermanii kiraŭnicu rehijona abrazili paraŭnańniem ź biełaruskim dyktataram
-
ZŠA vypadkova departavali mieksikanca, jakoha padazrajuć u najbujniejšym rabavańni kaštoŭnaściej u historyi krainy
-
U «Domie volnaj Biełarusi» ŭ Lvovie ŭšanavali pamiać Michaiła Žyźnieŭskaha. Tam ciapier zachoŭvajecca i pomnik hieroju
Kamientary
Kožnaja sustreča sa śmi kala prybiralni to da to paśla ...