«Tufli — 400 rubloŭ». Vypuskniki dzielacca, u kolki abyšlisia ich vobrazy
Pa Biełarusi adhrymieli školnyja vypusknyja. Rychtavacca da ich jak adzinaccacikłaśniki, tak i ich baćki pačali zahadzia, vyšukvajučy samyja stylovyja sukienki i kaściumy i reziervujučy vizažystaŭ z cyrulnikami na dzień X. Niekatoryja z vypusknikoŭ padzialilisia, u kolki im abyšlisia ich vobrazy.
Lizavieta Karpienka, vypusknica Homielskaj SŠ №44 pryznałasia, što pra taki łuk maryła jašče z 9-ha kłasa.
«Heta vobraz z Met Gala-2017, jaki prezientavała Lili-Roŭz Dep ad «Šanel»».
Sukienka abyšłasia dziaŭčynie ŭ 140 dalaraŭ, tufli kaštavali 27 dalaraŭ. Karali ž jana zrabiła svaimi rukami.
Kaścium vypusknika Arcioma Iljina adminusavaŭ ad siamiejnaha biudžetu 800 biełaruskich rubloŭ. Krasoŭki paciahnuli jašče na sto.
Maryi Varyč pryjšłosia adpravicca pa sukienku mary za miažu: u Homieli jana nie mahła znajści ničoha padobnaha.
«Ja kupiła sukienku jašče zimoj», — demanstruje navyki płanavańnia vypusknica haradskoha liceja №1. Kaštavaŭ ubor 400 rubloŭ.
Alaksandra Jafremienka taksama płanavała svoj vobraz na vypuskny zahadzia — užo ŭ sakaviku azadačyłasia pošukam nie tolki adzieńnia, ale i padboram vizažysta i cyrulnika.
«Ja admiała vielmi šmat varyjantaŭ, tamu što nie ŭsio pa maim fasonie i nie ŭsio padychodzić da majho koleratypu — pryjšłosia pavazicca», — adznačaje dziaŭčyna.
Za čyrvonuju sukienku pa vyniku addali 300 rubloŭ, za basanožki — 80.
A voś u Safi Karobki adny tufli kaštavali 400 rubloŭ. Sukienku ž jana šyła na zamovu i pryznajecca, što heta taksama «vyjšła darahavata». Samy biudžetny elemient u jaje vobrazie — bant-aksesuar na ruce, jaki jana pazyčyła ŭ siastry.
Kaciaryna Tamašuk zamiest zvykłych sukienak abrała dla siabie tak zvany kiejp — padoŭžany pinžak-nakidku sa svabodnymi rukavami.
Jana nie raspaviała, na kolki kankretna hrošaj paciahnuŭ jaje łuk, dapoŭnieny piarlinami i sumačkaj z «Zary», ale padkreśliła, što «košt prymalny»:
«Mnohija maje adnakłaśnicy šyli sukienki, i jany abyšlisia daražej».
Niekatoryja kamientatary pad videa aburajucca tym, jak lohka eks-školniki razvažajuć pra prymalnaść cen, kali heta nie ich hrošy:
«Nichto i nie skazaŭ, što heta baćki kupili».
Niekatoryja ž ščyra nie razumiejuć, navošta ŭvohule tak začmuracca z adzieńniem na «adzin viečar».
Inšyja ž adznačyli dobry hust vypusknikoŭ:
«Vypuskniki na svaim śviacie vyhladajuć kruciej, čym zorki na čyrvonaj darožcy»; «Pryjemna hladzieć, što dziaŭčaty abdumvali vobraz».
U siecivie taksama možna znajści pieraŭvasableńni ŭ zorak čyrvonych darožak i ad inšych vypusknikoŭ.
-
Pad rasijskim Vybarham zahinuŭ mužčyna, jaki ŭdzielničaŭ u lasnym fiestyvali. Kažuć, što jon ź Biełarusi
-
Dyrektara toj samaj studyi, jakaja ŭstanaŭlivała Iharu Turu kuchniu za 23 tysiačy rubloŭ, aryštavali za machlarstva
-
U Dźmitryja Baskava skončyŭsia termin dyskvalifikacyi, jon źbirajecca znoŭ viartacca ŭ chakiej
Ciapier čytajuć
Łukašenka: Što tvorycca ŭ krainie, u nas usie hetuju huś kruciać15
Łukašenka: Što tvorycca ŭ krainie, u nas usie hetuju huś kruciać
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2222
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna22
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1414
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha14
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5656
Kamientary