«Туфлі — 400 рублёў». Выпускнікі дзеляцца, у колькі абышліся іх вобразы
Па Беларусі адгрымелі школьныя выпускныя. Рыхтавацца да іх як адзінаццацікласнікі, так і іх бацькі пачалі загадзя, вышукваючы самыя стылёвыя сукенкі і касцюмы і рэзервуючы візажыстаў з цырульнікамі на дзень X. Некаторыя з выпускнікоў падзяліліся, у колькі ім абышліся іх вобразы.
Лізавета Карпенка, выпускніца Гомельскай СШ №44 прызналася, што пра такі лук марыла яшчэ з 9-га класа.
«Гэта вобраз з Met Gala-2017, які прэзентавала Лілі-Роўз Дэп ад «Шанэль»».
Сукенка абышлася дзяўчыне ў 140 даляраў, туфлі каштавалі 27 даляраў. Каралі ж яна зрабіла сваімі рукамі.
Касцюм выпускніка Арцёма Ільіна адмінусаваў ад сямейнага бюджэту 800 беларускіх рублёў. Красоўкі пацягнулі яшчэ на сто.
Марыі Варыч прыйшлося адправіцца па сукенку мары за мяжу: у Гомелі яна не магла знайсці нічога падобнага.
«Я купіла сукенку яшчэ зімой», — дэманструе навыкі планавання выпускніца гарадскога ліцэя №1. Каштаваў убор 400 рублёў.
Аляксандра Яфрэменка таксама планавала свой вобраз на выпускны загадзя — ужо ў сакавіку азадачылася пошукам не толькі адзення, але і падборам візажыста і цырульніка.
«Я адмяла вельмі шмат варыянтаў, таму што не ўсё па маім фасоне і не ўсё падыходзіць да майго колератыпу — прыйшлося павазіцца», — адзначае дзяўчына.
За чырвоную сукенку па выніку аддалі 300 рублёў, за басаножкі — 80.
А вось у Сафі Каробкі адны туфлі каштавалі 400 рублёў. Сукенку ж яна шыла на замову і прызнаецца, што гэта таксама «выйшла дарагавата». Самы бюджэтны элемент у яе вобразе — бант-аксэсуар на руцэ, які яна пазычыла ў сястры.
Кацярына Тамашук замест звыклых сукенак абрала для сябе так званы кейп — падоўжаны пінжак-накідку са свабоднымі рукавамі.
Яна не распавяла, на колькі канкрэтна грошай пацягнуў яе лук, дапоўнены пярлінамі і сумачкай з «Зары», але падкрэсліла, што «кошт прымальны»:
«Многія мае аднакласніцы шылі сукенкі, і яны абышліся даражэй».
Некаторыя каментатары пад відэа абураюцца тым, як лёгка экс-школьнікі разважаюць пра прымальнасць цэн, калі гэта не іх грошы:
«Ніхто і не сказаў, што гэта бацькі купілі».
Некаторыя ж шчыра не разумеюць, навошта ўвогуле так зачмурацца з адзеннем на «адзін вечар».
Іншыя ж адзначылі добры густ выпускнікоў:
«Выпускнікі на сваім свяце выглядаюць круцей, чым зоркі на чырвонай дарожцы»; «Прыемна глядзець, што дзяўчаты абдумвалі вобраз».
У сеціве таксама можна знайсці пераўвасабленні ў зорак чырвоных дарожак і ад іншых выпускнікоў.
Цяпер чытаюць
Вялікая гутарка з Лесяй Руднік пра сэксізм, мужа-рэслера, заробак доктаркі навук у Швецыі, апазіцыю і памылку Еўрасаюза14
Вялікая гутарка з Лесяй Руднік пра сэксізм, мужа-рэслера, заробак доктаркі навук у Швецыі, апазіцыю і памылку Еўрасаюза
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі1616
Каментары