Tramp zajaviŭ, što Pucin nie pačaŭ by vajnu, kab Rasiju nie vyklučyli z «Vialikaj vaśmiorki»
Prezident ZŠA Donald Tramp padčas samitu G7 u Kanadzie zajaviŭ, što prezident Rasii Uładzimir Pucin nie pačaŭ by vajnu va Ukrainie, kali b Rasiju nie vyklučyli z hrupy G8 u 2014 hodzie paśla anieksii Kryma.
Pavodle słoŭ Trampa, rašeńnie tahačasnaha amierykanskaha prezidenta Baraka Abamy i kanadskaha premjera Džaścina Trudo vyklučyć Rasiju było pamyłkaj. Jon ličyć, što kali b Rasija zastałasia ŭ «Vialikaj vaśmiorcy», to vajny b nie było.
«Raniej heta była hrupa vaśmi. Barak Abama i čałaviek pa imieni Trudo nie chacieli, kab Rasija była ŭ G8. I ja b skazaŭ, što heta była pamyłka. Tamu što inakš u nas ciapier nie było b vajny, kali b Rasija była ŭ G8», — zajaviŭ prezident ZŠA.
Tramp taksama skazaŭ, što Pucin faktyčna nie razmaŭlaje z tymi, chto vyklučyŭ Rasiju z G8 i, pa słovach amierykanskaha prezidenta, jon razumieje takuju pazicyju rasijskaha lidara. Pry hetym Tramp padkreśliŭ, što sam jon nie ličyŭ u toj čas Pucina voraham.
Razam z tym Tramp pryznaŭ, što ciapier viartańnie Rasii ŭ G8 naŭrad ci mahčymaje, bo prajšło šmat času. Ale, na jaho dumku, dałučeńnie da «siamiorki» Kitaja mahło b być dobraj idejaj.
Rasiju vyklučyli z G8 u 2014 hodzie paśla anieksii Kryma i pačatku spravakavanaha Kramlom kanfliktu na ŭschodzie Ukrainy. Z taho času hrupa dziejničaje jak G7 — biez Rasii. Raniej Tramp užo vykazvaŭsia za viartańnie Rasii ŭ skład hetaha abjadnańnia.
Ciapier čytajuć
Mastakoŭ Rymašeŭskaha i Ščamialovu pratrymali amal hod u SIZA, ale dali taki termin, kab u sudzie adpuścić dadomu3
Kamientary