Stała viadoma, chto źjaŭlajecca chedłajnieram Schodu nieabyjakavych — mierapryjemstva apanientaŭ Cichanoŭskaj
Arhanizatary trymali intryhu da apošniaha.
Hramadskaja ŭvaha da Schodu nieabyjakavych — anansavanaha kruhłaha stała častki apazicyi — trymałasia za košt tajamničaści vakoł mierapryjemstva. Arhanizatary nie nazyvali imiony ŭdzielnikaŭ, deananimizavaŭ siabie tolki Michaił Kučaraŭ — pradstaŭnik biełarusaŭ Luksiemburha.
Adnak z ulikam taho, chto repościŭ zaprašeńni na Schod — byłyja palitviaźni Siarhiej Piatruchin i Siarhiej Koršun, błohier-pravakatar Vital «Virus» Kandracienka — było vidavočna, što płanujecca čarhovaja sustreča apanientaŭ Śviatłany Cichanoŭskaj.
Treba addać naležnaje arhanizataram: jany ŭsialak sprabavali pryciahnuć uvahu da padziei, navat z dapamohaj fantazijnych historyj pra toje, jak fejsbuk nibyta masava baniŭ hetych samych ananimnych arhanizataraŭ, a nieviadomyja chakiery ŭzłamvali ich akaŭnty ŭ inšych sacsietkach.
Jak ciapier stała viadoma, u liku arhanizataraŭ Schodu nieabyjakavych akazalisia pradstaŭniki ŭsio tych ža palityčnych abjadnańniaŭ, jakija raz za razam patrabujuć ad Cichanoŭskaj pačać dyjałoh ź imi — «Biełaruskaja chryścijanskaja demakratyja» Hieorhija Dźmitruka i «Narodnaja hramada» Jaŭhiena Vilskaha.
Što abjadnoŭvaje BCHD i NH, aproč krytyčnaha staŭleńnia da Cichanoŭskaj?
Pa-pieršaje, na vybarach u Kaardynacyjnuju radu ŭ 2024 hodzie ich supolny błok «Salidarnaść» zaniaŭ pieradapošniaje miesca — 1,55% ad kolkaści tych, chto ŭziaŭ udzieł u hałasavańni.
Pa-druhoje, źviartaje na siabie ŭvahu kolkaść uskrytych ahientaŭ i stukačoŭ. U bazie danosaŭ, zdabytaj «Kibierpartyzanami» na ŭzłamanym sajcie KDB, znajšli dva staryja zvaroty ad siabroŭ «Narodnaj hramady». Paźniej vyjaviłasia, što i adzin ź lidaraŭ hetych chryścijanskich demakrataŭ, Jaŭhien Dudkin, byŭ ahientam biełaruskich śpiecsłužbaŭ.
Pa-treciaje, BCHD i NH uziali ŭ kaalicyju jašče adno palityčnaje abjadnańnie, «Krainu dla žyćcia» (jakoje zaniała na vybarach u KR apošniaje miesca), i padpisali sumiesny miemarandum suprać lidarstva Cichanoŭskaj.
Ciapier ža Hieorhij Dźmitruk u efiry «Radyjo Racyja» zaprasiŭ biełarusaŭ zamiežža na hety samy Schod nieabyjakavych.
Jašče adzin udzielnik — Anton Małkin, biełarus z Hiermanii. Jon raniej uvachodziŭ u Štab abjadnanych sił razam sa zhadanym raniej Kučaravym, a taksama Volhaj Karač i Valeryjem Capkałam.
U telehram-čacie Schodu (u im 27 čałaviek) aktyŭničaje byłaja palitźniavolenaja Alena Pucykovič. Jana taksama administratarka ŭ čacie błohiera-kanśpirołaha Vitala «Virusa» Kandracienki». Pucykovič apynułasia ŭ centry skandału ź bieł-čyrvona-biełym ściaham na hiej-paradzie ŭ Vilni.
Źbirajecca na mierapryjemstva i były palitviazień Juryj Čudzinovič, jaki niadaŭna vyjšaŭ na svabodu.
Anatol Labiedźka zapeŭniŭ, što nijakaje ź inšych palityčnych utvareńniaŭ — Partyja BNF, AHP, ruch «Za svabodu», BSDP (H), «Zialenyja», arhkamitety pa stvareńni partyj «Naša partyja», Biełaruskaja chryścijanskaja demakratyja, «Razam» — nie delehujuć svaich pradstaŭnikoŭ na Schod.
«Adhuknuŭsia na 95% abjaŭ — i ŭsie admovili». Rasijaninu nie chočuć zdavać kvateru ŭ Hrodnie8
Kamientary
A pry čym tut Cichanoŭskaja? Kali jany namahajucca zrabić alternatyŭny prajekt - chaj robiać! I ad pieršych, i ad druhich zvyčajnym biełarusam karyści niama.